Williamnagar, Jul 29: Mongolbar salo, mande saksani sogimin manggisiko Williamnagar-ni Dawa Matchakolgre-o donggipa rubber bagan sambaoniko man•aha.
East Garo Hills SP-ni Hub News-na u•iatani gitade, ia manggisi sona a•bachengahani gimin mandeko ma•sina man•kujaenga. Williamnagar-o forensic aro crime scene investigation unit-rang dongjani gimin, ia manggisini bidingo am•sandina gita Shillong-ni dolrangko okamatna nangaha ineba ua aganaha.
Da•o dipet East Garo Hills a•jao mande gimaani bidingo maming badi ka•anirang dongkujani gimin ia mandeko so•ote galani cholrang donga ineba SP u•iataha.
Ia mandeko saoba so•ote galangani cholrang donga aro sagipa mandeba buringo ga•ake siani cholrangba dongaia ine janapatengon, ia manggisini bidingo name am•sandiani ja•mansa kakketkode ma•sina man•aignok ine SP parakataha.
Na·simang iakoba nina man·gen:
Na·simang iakoba poraina man·gen: AHAM SWGH a·jao niamgri songdongenggiparangni kosako mikrakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
