Williamnagar, Jun 5: World Environment Day-ko maniani bak gita Williamnagar-ni Sacred Heart School-o dingtangmancha program-ko Sukrobar salo ong•atangaha.
Ia program-ko skulni Class XII Science-o poraienggipa chatri sakgni, chong•motan Anora Atre D Sangma aro Anosha I Sangma dilangaha.
Ia program-ko ong•atanio Sacred Heart School-ni Principal Fr John Thomas aganprakengon, samtangtango ong•telaigiparangko chel•chakna aro ripinge rakkina nangchongmotani gimin aganangaha. A•gilsakan mandeni dongram nok ong•a aro mandeni janggi tanganio man•enggipa pilakkon a•gilsaksa on•enga ine janapatengon, rongtalgipa balwa, namgipa ringani chi, tangsekgipa buring bolgrimrang aro a•gilsako janggi gnanggipa pilakan mandeni janggi tanganio nangchongmotgiparang ong•a ine Fr Thomas aganaha.
Samtangtango ong•telaigiparangna simsak nirokaniko on•china, moila dakaniko komiatchina, chirangko ripingchina, plastic-ni bosturangko jakkaljachina aro skatang jabolrangko galramramjachina gitaba ua chatro chatrirangko ku•pattiangaha.
A•gilsakko janggi tangna gita nambatgipa biap ong•atna daitoko ra•china chatro chatrirangko didiangengon, ia World Environment Day-ko manianian, samtangtango ong•telaigiparangko aro an•tangtangni dongchakenggipa biaprangko simsak nirokna gita gisik ra•atani ong•china ine skulni Principal Fr Thomas aganaha.
Ia program-ko ong•atani bak gita skulo poraienggipa chatro chatrirang, maikai mandeni kamrangchi samtangtango ong•telaigiparangna nangchakeaniko ra•baenga aro maikai ku•cholsan kamrangko ka•anichi samtangtango ong•telaigiparangko tangatpilna aro chel•chakna man•gen, uarangni gimin dakmesokangaha.
Ia program-ko ong•atanio skulni chatro chatrirang, samtangtango ong•telaigiparangko ripingna nangani gimin seanirangkoba mesokangaha aro signature campaign ba jinmani soirangkoba ra•angaha.
Buring bolgrimrang, chiring chibisikrang, a•salrang aro balwarangko man•chape a•gilsako ong•telaigiparangna ka•sana aro mande ra•na gitaba ia salko manianio chatro chatrirang, jinma ku•mikchetangaha. An•tangtangni janggi tanganio plastic jakkalaniko komiatna, bilsiprako bol pangsako ge•e, uko dal•atna aro sakgipinrangkoba samtangtango ong•telaigiparangko ripingchina didina gitaba chatro chatrirang ku•mikchetangaha.
Program matchotani ja•man, skulo poraienggipa chatro chatrirang aro skigiparang, jinma bolrangkoba ge•angaha. Chatro chatrirang an•tangtangan noktangtangoniko bol chara aro a•salrangko ra•baenba, skulo ge•angtokaha.
Na·simang iakoba nina man·gen:
Na·simang iakoba poraina man·gen: Jalukbari-o wa•al kame a•sel ong•anio, nokdang ge•sani sakbri manderang sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
