Guwahati, Sept 20: Assam-ni mingsinggipa git ring•gipa Zubeen Garg-ni manggisiko Singapore-o post mortem ka•a matchotaha ine Assam-ni Skotong Minister Himanta Biswa Sarma Sonibar salo social media X-o parakataha.
Uandake , Indian Embassy-ni officer-rangni mikkango uni manggisiko, ra•baenggipa manderang- Shekar Jothi Goswami, Sandeepan Garg, aro Siddharth Sharma-ni (manager) jako on•aniko dakengaha ineba ua janapaha.
Una agreba, Singapore-o manianiko ong•atgipani event curator Shyamkanu Mahanta aro Zubeen-ni manager Siddharth Sharma-ni kosako Morigaon police station-o FIR ka•aha ineba Sarma aganaha.
“Assam Police FIR ka•aha aro am•sandianirangko dakanggen. Shyamkanu Mahanta aro Siddharth Sharma sakgniko, aro Singapore-o Zubeen-ni siani somoio unbaksa ong•giparangko sing•doanirangko dakgen,” ine ua aganaha.
A•dokni Skotong Minister-ni aganani gitade, Singapore-ni authority-rang ia obostani bidingo am•sandianirangko dakna a•bachengaha.
“Ia obostara India-ni a•palo ong•ahani gimin, iani bidingo badi ka•aniko Singapore-o dakgen. Indiba, sandie nianirango Assma-oniko maikoba man•genchimode ianoba ja•ku de•gen,” ine Sarma agandapaha.
Uandake a•dok sorkari mikkang nitegija aro mamung donnuani gri am•sandianirangko dakgen ine ua aganaha aro saoba an•tangko sakki ine parakna sikgenchimode, sorkari una pilak dakchakanirangko on•gen aro kamrangko ka•na a•bachengatgen ineba Sarma aganaha.
Na·simang iakoba nina man·gen:
Na·simang iakoba poraina man·gen: Zubeen Garg sagini sianina kalimpaaniko mesokna Guwahati-o dokanrangko chipa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
