Guwahati, Sept 20: A•dokni mingsinggipa git ring•gipa, ja•wilwat tarigipa aro jatko niksengatgipa Zubeen Garg-ni rang•gitik sianganina a•doko salgittamna, chong•motan September 20-oni 22 tarik, 2025-ona kalimaniko dakanggen ine Assam sorkari parakataha.
Garg-ni sianganina duk ong•aniko parakenba, Assamese music aro cinema-na uni on•gilani a•dokna gualna man•gijagipa ong•a ine sorkari janapataha.
Ia kalimaniko dakanio, pilak manianirang, tom•bimonganirang aro cultural programme-rangko dikdiksa somoirangna dontongatchengaha. Seva Saptah-ni kamrang jeon bang•a manderang tom•daka ba bosturangko sualatanirangko daka, uarangkoba kalimani somoi badeaona ra•doataha. Indake ong•genchimoba, health camp-rang, tuberculosis sagiparangna Nikshay Mitra support programme-rang, aro bol ge•anirangko mamung dontongatani gri dakanggen.
A•dokni skotong minister Himanta Biswa Sarma, Union Minister Pabitra Margherita baksa da•asalni bako dingtangmancha tik ka•gimin sildorengo Delhi-ona bilangenga. Ia songreangani a•selko parakatkujaengoba, a•songni skotongo nangchongmotgipa agangrikanirangko daknasienga ine manderang chanchichipenga.
“Mingsinggipa git ring•gipa, ja•wilwat tarigipa aro jatko niksengatgipa Zubeen Garg-ni rang•gitik sianganina Assam sorkari chanchisokgijani aro duk ong•aniko parakatenga. September 20-oni 22 tarikona a•doko kalimaniko dakanggen aro ia somoio mamung an•saoani, cha•a-ringani aro tom•bimonganirang dongjawa,” ine a•dok sorkari parakataha.
Na·simang iakoba nina man·gen:
Na·simang iakoba poraina man·gen: Zubeen Garg-ni siani bidingo am•sandianirangko dakgen ine Assam CM parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
