Guwahati, Oct 13: Git ring·anio mingsing minggamako man·gipa Zubeen sagini jikgipa Garima Saikia Garg aro uni nogipa Dr. Palmee Borthakur sal 10-ni gisepon kakket bichalko ka·e on·china didie, Social Media-o manderangko hashtag #WeNeedZubeenGardJustice
#JusticeForZubeenGarg-ko jakkalchina u·iataha.
Assam-o donggipa uko namnikgipa bang·a manderangan ia campain-na chakpaaniko on·angaha. Jawilwat kal·gipa Amrita Gogoi-ba ia online gita ja·ku de·anina chakpaaniko on·enba, October jani 13 tariko jinma apsan salni 10 bajio kakket bichalko am·na ia hashtag-ko watchina manderangko didiataha aro uni kattarang giproroangenba iano bang·a manderangan bak ra·angtokaha.
Zubeen Garg sagi re·anggipa September jani 19 tariko Singapore-o siani gisepon, uni siani bidingo bang·a talna nanganirang dongengkua. Uni siani a·selko am·sandiani kamrang ka·sinengako nike uni jikgipa Garima gisiko chaktojaenba, sianggipa Zubeen-ko namnikgipa manderangko salantian #JusticeForZubeenGarg ine Social Mediao sechina u·iataha.
Da·o dipet, tom·aniko ong·atgipa Shyamkanu Mahanta aro Zubeen-ni Manager Siddhart Sharma-ko man·chape ia case-ni bidingo sak 7 manderangko rim·aha, indiba mongsonggipa kattarangkode uamang u·ikuja ine nokdangni manderang aganangaha.
Na·simang iakoba nina man·gen:
Na·simang iakoba poraina man·gen: Tripura a•doko ja-14 ong•gipa me•chik bi•sako til•ekdrae so•ota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
