Shillong, April 10: Skotong Minister Conrad K. Sangma, Education Minister Lahkmen Rymbui aro Education-ni Commissioner & Secretary Vijay Mantri baksa Shillong-ni U Soso Tham Auditorium-o ong·atgipa 2026 bilsini ULLAS Fest-o dongpae bak ra·angpaaha.
Skotong Minister Conrad K. Sangma, lekka pora skie ra·anio topper ba nambatsranggiparangkosan ong·aigija, bilsi bregimin manderang jemangan sena ba poraina man·kujachim uarangkoba man·chapatna nanga ine ua aganangaha.
Meghalaya a·doko lekka pora skie ra·anio chu·gimik chu·sokaniko man·a sakantikon apsan kam ka·china didiataha.
Education Minister Lahkmen Rymbui, a·doko lakh 2 mangni gita manderang lekka pora skia man·gijagiparang ong·a ine u·iatengon, literacy-ni miksonganiara poraiani, sea jotani, chanani aro janggi tangani cholko skie ra·aniko miksonga ine agan-talate on·angaha. Ua saksanti manderangkon lekka pora skia man·anio 95%-ona sokna dakchakaniko on·china didiataha.
Ia tom·bimonganiko ong·atanio, ULLAS-o chu·sokaniko man·giparanh aro bilsi bregimin skie ra·enggiparangko mande ra·pilskaaniko dakangan baksana Khasi aro Pnar ku·sikchi tarigimin awareness video ba mikrakataniko on·gipa jawilwatrangko a·bachengate on·anagaha.
Understanding of Lifelong Learning for All in Society (ULLAS) scheme 2022-2027, volunteer teaching ba dakchake on·giparangni skianiara bilsi bregimin manderangna poraiani, sea jotani, janggi tangani chol baksana kam ka·e cha·na changa sapani bidingo skie ra·na dakchaka.
Na·simang iakoba nina man·gen:
Na·simang iakoba poraina man·gen: 591 markrangko man·e Jyotirmoay Das Assam Board-ni klas 10 porikkao skanggipa ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
