Dibrugarh, Dec 13: Re·anggipa December jani 8 tariko Arunachal Pradesh-ni Hayuliang-Chaglagam ramao gari salgipa driver-ko man·chape Assam-ni sak 22 kam ka·e cha·giparangko salangenggipa dumper truck bolsani a·sel ong·anio sianggipa sak 6 manderangni manggisirangko man·dapaha, indake uamangni manggisirangko Assam, Tinsukia-o donggipa uamangni noktang Gelapkhukuri Tea Estate-ona watataha.
Anjaw a·jani District Disaster Management Officer (DDMO)-ni In-Charge Nang Chingni Choupoo, Sonibar salo rama a·sel ong·anio ga·akonanggipa manderangko am·sandiani sal 3 ong·aha ine u·iatengon, apsan bakrime am·sandianiko dakanio saksa mandeni manggisiko man·dapanichi chu·gimik manggisirangko man·ani sak 7 gapaha ine parakataha.
Indake ong·engon, Sukrobar sal chong·motan re·anggipa December jani 12 tariko sak 6 manderangni manggisirangko man·a jaman an·dalahani gimin am·sandianirangko dontongate NDRF dol, Metengliang-o uamangni waltuchakram biapona neng·takna re·angpilaiaha ine ua u·iatangkuaha.
Choupoo-ni aganani gitade, NDRF personnel-rang tu·begipa dare-oniko manggisirangko ra·bana gita rope rescue technique-rangko jakkalangaha aro post-mortem ka·a jaman sianggipa manderangni manggisirangko Tinsukia District Administration-na pakwatataha.
NDRF, Border Roads Organisation (BRO), Indian Army aro District Administration apsan bakrime ia naljokataniko dakenga. Chubegipa slang darerang aro ramarang rimilani a·selo ia naljokatanio namen neng·nikbeaniko man·enga ine Choupoo aganangaha.
Ia ong·a obosta re·anggipa 2025 bilsini December 8 tariko, gari salgipa driver-ko man·chape sak 22 kam ka·e cha·giparangko salangenggipa gari truck bolsa Anjaw a·jani Hayuliang-Metengliang-Chaglagam (HMC) rama sambao Chaglagam Circle dare ka·machina ga·akonangaha.
Rama a·sel ong·anio saksa mangmang jokpagipa Budheshwar Deep, Army camp-ona dobaenba, authority-rangna kobor on·ea jamansa ia ong·a obostani gimin re·anggipa 2025 bilsini December jani 10 tariko u·ina man·aha. Army-rang una skanggipa sana bananiko on·a jaman, uko Dibrugarh-ni Assam Medical College aro Hospital (AMCH)-ona sana bananiko on·a rimangaha.
Union Minister Sarbananda Sonowal, Sukrobar salo AMCH-ona re·angenba, Budheshwar Deep-ni an·seng baljokani bidingo sing·sandianirangko dakangaha.
Na·simang iakoba nina man·gen:
Na·simang iakoba poraina man·gen: M’laya-o hurorangko nirokgipa Betsida Marak-na Green Guru award-ko on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
