Guwahati, Jan 19: Assam Assembly election-ko ong•atna siengahani gimin Sombar salo bang•a manderangan, Congress tikitchi susana miksonge, Guwahati songjinmani Rajiv Bhavan-ona re•ange Congress tikitna dorgastorangko galetokaha.
Congress dolni tikitna Assam a•doko songdongenggipa A•chikrangoni Jonson J Sangma-ba, 28-Boko Choygaon (ST) Assembly Constituency-oni susana gita dorgastoko galeaha. Ua da•o dipet, APCC Minority Department-ni vice-chairman ong•e kamko ka•enga aro ua 2001 bilsionin Congress dolo bak ong•paenga. Boko-Choygaon constituency-o dingtang dingtang Tribal aro Tribal ong•gijagipa jatrangba donga aro ia constituency-o Sangma, BJP-ni candidate baksa susana Congress dolni tikitna dorgasto galaha.
An•tangni dorgastoko Congress dolni dilgiparangna on•eani ja•man kobor ra•timgipa manderang baksa agangrikengon, ua re•anggipa bilsirangonin ia election-o susana tarisamsoengaha aro ia election-o ua Congress dolni tikitko man•a ka•dongenga ine Sangma aganaha.
Assam a•doko songdongenggipa A•chik jatni gimin janapangengon, Assam a•dokni A•chikrang 2003 bilsion Scheduled Tribe (ST) gadangko man•paaha indiba jatni namroro silroroanina a•doko dilgiparangkoba nangenga ine Sangma aganaha.
Ua Congress tikitko man•pagenchimode una A•chikrangsan ong•aigija, Boko-Choygaon constituency-o songdongenggipa Rabha, Boro, Hajong, Koch-Rajbongshi, Bengali, Assamese aro gipin jatrangba una chakpaaniko on•gen ineba Sangma, an•tangni ka•dongchakenganiko parakaha.
Na·simang iakoba nina man·gen:
Na·simang iakoba poraina man·gen: Seng Samla Mawlai Pyllun-ni Khasi Traditional Mural-ko CM oprake on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
