Guwahati, Sept 28: Sonibar walo Assam police, Assam-Meghalaya sima ari sambajolo Goalpara a·jani Ghiladubi sambao donggipa biapo sak 4 denggu dakgipa manderang chong·motan Mukunda Rabha, Subur Ali, Zahidul Islam aro Changbat Marak-ko so·ote galaha.
Police dolrangni aganani gitade, ia dos dakgipa dolrang bading chiwalgipa saksako rim·srukangna mangsongengachim. Koborrangko man·soenba, Goalpara-ni SP Navaneet Mahanta aro South Salmara-Mankachar-ni SP Abhilash Baruah, ia am·sandianiko dilangaha. Indake ong·engon dos dakgipa manderang police dolrangni kosako slai gona a·bachengani a·sel dolgnini gisepo grogrikna nangao ga·akaha, indake dos dakgipa doloni sakgni a·damon guli nange siangaha aro sakgnide jamano Dhupdhara Model Hospital-o janggi galskaaha.
Police dolrang uamangoniko bol 4 pistol-rang, guli-rang, gari bolsa aro bang·bea mobile phone-rangko rim·aha. Am·sandianirangko dakanio ia apsan dolrangan sekdrae ra·anio aro niamgri silchidarerang badingsrukanio jak donggiparang ong·akon ine chanchichipaniona sokataha.
Authority-rang da·o uamangni dal·batgipa dolrangko am·sandianiko dakna jotton ka·enga. Adita somoirangna skang mangmangba police dolrang sekdrae ra·gipa Rajibul Ali-ko Matia-o so·ote galaha.
Na·simang iakoba nina man·gen:
Na·simang iakoba poraina man·gen: 4-gipa International Half Marathon 2025-o sak 10,500 mangna bate katsusagiparang bak ra·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
