Tura, Jan 6: South Garo Hills a.jani Rewak song sepango donggipa Simsang Kausi Wari-ko Budbar salo Festival Atong Traditional Fish Community ba Atong manderangni dakrongbewal gita ‘Wari Bila’-niko ong.atangaha.
South Garo Hills-ni Simsang Chibima rikam jolrango songdongenggipa Atong manderang bilsio changsa jinma apsan na.tok rim.aniko ba Wari Bilaniko dakronga. Ia wari bilaniko ong.ataniara Atong manderangni mingsa dakbewal ba traditional ong.a, ian Atong manderangni gisik ra.na kragipa jatni dakbewalba ong.a. Atong ku.sikko aganoba A.chik-an ong.a, indiba ku.sik agananirang aro daka rikanirang adita dingtanggrika.Atong Ku.sik aro A.chik ku.sikko agananirang aro sea jotani dingtanggrika.
Atong-rang wari bilaniko bilsini January aro February jarango ong.atronga. Garo Hills-o wari bilaniko Simsang Chijolrangosan dakrongbata.
Apsandake Captain Williamson A.Sangma sagini Simsang chi wari jekon Siju Dabat wari ine mingachim, bilsianti wari bilaniko dakrongenga.
Wari Bilaniko nina aro na.tokrangko brena bang.a dingtangdingtang biapni manderang re.angronga.
