Shillong, Nov 5: India sorkarini Youth Affairs & Sports Ministry, My Bharat-ni ning•o, South Garo Hills District Administration aro District Sports Office baksa nangrime District Level Unity March Padyatra-ko Budbar salo, Baghmara-ni District Sports Playground-o ong•atangaha.
Ia March ba re•jomaniko District Sports Playground-oni a•bachengate, Rompa dolong, AOC petrol pump aro Capt WA Sangma Road gita re•jomangenba, Baghmara Police Station sambao donggipa Capt Williamson Memorial Park-o matchotateaha.
Ia program-ko ong•atanio chatro chatrirang, sorkari official-rang aro jolo songdongenggipa bang•bea manderangba bak ra•angtokaha.
District Sports Playground-o tom•aniko ong•atanio, South Garo Hills a•jani Deputy Commissioner Sumit Kumar Singh, Additional Deputy Commissioner Shelly Momin, Addl Superintendent of Police (ASP) Agatha Sangma, Baghmara-ni BDO Weena Y Momin aro gipin official-rangba dongpae bak ra•angaha.
Ia tom•anio, South Garo Hills a•jani Deputy Commissioner Sumit Kumar Singh, jinmana aganprakengon, Sardar Vallabhbhai Patel-ni chang 150-gipa atchia salko gisik ra•na gita ia Unity March-ko ong•ataha ine parakataha.
Na·simang iakoba nina man·gen:
Na·simang iakoba poraina man·gen: Bhupen Hazarika-ko mande ra·ani bak gita bol 50 ringrang Tuni chibimao choa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
