Shillong, Aug 26: Batanggimin adita bilsirangni gisepo Bangladesh-ni obostarangni dingtanganirangchi a·doko janggi tangani bewalrang dingtanganiko man·aha ine Meghalaya-ni skotong minister Conrad K Sangma Mongolbar salo aganaha.
Unbaksana, a·doko bobil dake chakatgipa dolrangkoba gisepo nikna man·enga ine Sangma aganangaha.
“Bangladesh-ni obosta skango gita ong·jaha ine an·ching gisik ra·na nanga. National Security-ni katta ong·ani gimin anga talede aganna nangnikjaenga, indiba sima ari-o bang·a ong·gija dakanirangni nadoanirangko nikna man·enga aro ian pilak obostarangko dingtangatenga,” ine Sangma talate on·angaha.
Uandake a·doko bobil dake chakatani kamrang tang·ona tang·doa dake dongenga, aro bang·bata somoion uamang dingtangmancha bikotgimin dolrang ong·ja indiba adita sakrangni bakrime manderangoniko tangka-paisarangko ra·seke ra·gipa ba cha·ugipa chonchongipa dolrangsa ong·a ine ua kobor ra·timgiparangna parakataha.
Adita somoirangna skang Director General of Police, Idashisha Nongrang, ia obostarangko parakatna jotton ka·ahachim, indiba iani bidingo chu·gimik kattarangko talatjahani gimin, namedake u·ina man·jaha ine skotong minister aganangaha.
Police-rang pilak sakkirangko sandienga aro bobil dake chakatgipa dolrangni an·tangtangna manderangko rimnapani bidingo am·sandienga indiba uandakgipa dolrangni chakatpilani bidingo sakkirangkode namedake man·kujaenga ine DGP adita salrangna skang aganaha.
“Kobor-rang salantian sokbaenga. Uarangna jeko dakna skangba chinga kakketko sandichenga. Bangladesh-o ong·enggipa obostarangni a·sel namen neng·nikanirangko man·enga indiba chinga iarangni bidingo gisik nangen kamrangko ka·enga,” ine Sangma agandapaha.
State Security Commission-ni tom·anio, bobil dake chakatgipa dolrangni bakrimtaiani bidingo Opposition-ni dilgipa Mukul Sangma-ni janapanirangko dakani ja·mano skotong minister ia kattarangko parakatangaha.
Na·simang iakoba nina man·gen:
Na·simang iakoba poraina man·gen: Police dolrang drug palbadinganina mingsinggipa saksako Shillong-oniko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
