Guwahati, Nov 5: Budbar salo, Bharat Ratna upattiko man•gipa Dr Bhupen Hazarika-ni chang 14-gipa siani salko maniani bak gita dingtangmancha program-ko Guwahati songjinmani Latasil kal•chakramo ong•atangaha aro ia program-o dingtang dingtang skul aro college-ni sak 5000 chatro chatrirang, Dr Hazarika-na mande ra•pilskaani chin gita, uni mingsinggipa ‘Manuhe Manuhor Babe’ gitko ring•aha.
Ia program-ko Assam-ni Cultural Affairs Department, Kamrup (Metro) District Administration baksa nangrime ong•ataha aro ia program-o chatro chatrirangsan ong•aigija, Assam-o mingsing minggamako man•gipa git ring•giparangba bak ra•e, Bhupen Hazarika-ni mingsinggipa gitrangko ring•aha.
Ia program-ko ong•atanio, Assam-o saksa niksenggipa Sadananda Gogoi, kobor ra•timgipa manderang baksa agangrikengon, sak 5000 chatro chatrirangni ku•cholsan ong•e, ‘Manuhe Manuhor Babe’ gitko ring•aniara Assam-ni manderangna ka•srokaniko ra•baaha ine aganaha.
Ia gitko Assamese ku•sikchi tarichengaha aro ja•mano Bengali ku•sikchiba ‘Manush Manusher Jonne’ ine tariskaaha ineba Gogoi aganaha.
Gogoi-ni aganani gitade, ia gitko BBC-ni gitaba 2003 bilsirango nambatsranggipa jolni git ine ra•chakaha.
Na·simang iakoba nina man·gen:
Na·simang iakoba poraina man·gen: Bhupen Hazarika-ni feet 100 ong•gipa statue-ko rikgen ine Assam CM paraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
