Guwahati, Apr 25: Guwahati Lok Sabha seat-na susanasienggipa Congress party-ni candidate, Mira Borthakur Goswami, BJP-ni logo aro PM Modi-ni bimang gnanggipa, Orunodoi Scheme-ni kakket ong•gijagipa form-rangko songadamrango dongenggipa me•chikrangchiko vote man•a gita suale on•enga ine, Assam a•dokni Kamrup a•jani ning•o ga•akenggipa Boko-ni Shantipur-o jinma tom•bimonganiko dakengmitingo, matnangataha.
Indake, songadamrangni skulrangko chipatgipa, songadamrango chu dokan kulina on•gipa aro sanna bannaniko on•anio namdapatna man•gijagipa, skulrangni namdapataniko dakgijagipa, rama jallang nirokgijagipa aro skulo Garo ku•sikchi skigiparangko rakkianio komigipa sorkarini kosako, raken jechakna nanga ine Goswami, manderangko didiataha.
Ua, BJP-ni gitcham MP Queen Oja-ni eleksinni jamano Delhio suk maha janggi tangenganina aro BJP Lok Sabha-ni candidate, Bijulo Kalitha Medhi-ni, manderangni palo ku•rang on•chakjaenganinaba jegalataha.
Santipur kal•chakram biapo, Garo National Council, Garo Women Council, Garo Youth Council aro gipin dolrangni nangrime jatni dakbewal rikbewalrangni bidingo salgnina workshop-ko ong•atanioba, ua bak ra•angaha.
Indake, May 7 tariko ong•atenggipa eleksinno chegipa ong•genchimode, Modi-ni ‘Mann ki Baat’-ko knaatgija, manderangni ku•rangkosa knachina sorkarini kosako didianiko dakgen ineba ua ku•rachakanikoba dakangaha.
Iani gisepon, sorkariara maini gimin, a•ani bil, ringani chi aro nambata sanna bannaniko aro pora bidako on•a man•jaenga ineba Goswami sing•doataha.
Unbaksanaba, crore-ni crore tangkarangko sroanina aro salantio nangnikenggipa bosturangni damrangko tang•onatani pal tang•doatenganina aro Christian skulrangko aro gilja nokrangko BJP dolni chipatna jotton ka•enganina matnange jegalatan baksa Congress dolni maming saloba indake toromni institution-rangko nosto ka•na mangsongja ine aganangaha.
Assam a•doko songdongenggipa A•chikrang, kena aro jajrenga gnang janggi tangna nangenga ine aganengon, Lok Sabha Election-o cheani jamanoba, Congress party A•chikrangko nirokangkugen ineba ua ku•rachakangaha.
“Chinga, Modi-ni ‘My India’ ba ‘Mera Bharat’-o janggi tangna sikja indiba ‘Our India’ ba an•ching India a•songosa janggi tangna ska. BJP dol, Modi-ni ‘My India’ o, Adani aro Ambani-na kam ka•enggiparangko rakkina mangsongengani gimin, an•chingni a•songko naljoke rakkina gita Congress-na pu•onpachina” ine Goswami manderangko didiataha.
Na·simang ia video-koba nina man·gen:
Na·simang iakoba poraina man·gen: Kangpokpi-ni nosto ong•atako man•gipa dollongni palo songdongenggipa manderang Bypass ramako taria
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
