Shillong, July 11: Baptist World Alliance (BWA), uamangni Human Rights, Peacebuilding aro Reconciliation-ni Chairman-na Bijoy A. Sangma-ko seokaha.
Iako Baptist-rangni dal·begipa tom·bimongani chong·motan chang 23-gipa Baptist World Congress-ko Australia-ni Brisbane-o ong·atanio, namnike ra·chakangaha aro ian India a·songoniko Chairman-na seokanio skanggipa ong·enga.
Ua bilsi bongana 2025 bilsini July 13 tarikoni 2030 bilsiona dangdike on·anggen.
Ia BMA Commission, toromni jakgitelaniko, songsalo kakket bichal ka·ani, nanggrikaniko namgrikatani aro a·jao so·sojengjeng ong·grikanirangna ku·pattie on·aniko dakgipa ong·a.
Indake Sangma, dakna nanggipa kamrang baksana BWA Resolutions Committee-oba Isolni kattararangko gipatanio dakchakaniko on·anggen.
Hub News baksa text message-o agangrikengon, Sangma an·tangko onate aganan baksa ia cholko Isolni una on·enganina Isolko mitelpilskaangaha.
Ia kamna uko seokaniara A·chik jatna, salgro salaram a·dokrangna aro a·songtangna rasong chabeani ong·a ineba ua aganaha.
Sangma-ni lekka pora skia man·ani bidingo niatgenchimode, ua namen skia pora man·gipa saksa ong·a ine nikna man·a.
Ua Entrepreneurship, Business Management aro Strategy-o MBA-ki dakaha aro Indian Institute of Management Calcutta (IIM-C)-o Management Development Programmes (MDPs)-ni ge·gni diplomarangko dakaha aro Project Planning, Monitoring aro Management-oba specialist-ko dakaha. Uasan ong·aigija, Bachelor of Law (LLB), Christian Studies (MACS)-o MA-ko dakaha aro da·o ua Management Studies-o Ph.D-ko dakengkua.
Unbaksana, ua Six Sigma Green Belt-ni special certify ka·ako man·gipaba ong·a aro UGC-NET-ni Management-o Assistant Professor-ba ong·aha. Indake iarangna agreba ua dingtang dingtang biaprango jekai, USA, Singapore, South Korea, Thailand aro Nepal a·songrango International training-ko ong·atanirangoba dongpae bak ra·aha.
Na·simang ia video-koba nina man·gen:
Na·simang iakoba poraina man·gen: Assam-o niamni kosako re·badeani kamrangni a·sel Kulsi chibima aro uni wilwilao donggiparangna kenchakani ong·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
