Williamnagar, Feb 8: Meghalaya Legislative Assembly-na re·baenggipa 27 tariko a·doko pu·onaniko ong·atnasienggipani bidingo political dolrangni maiba ong·gija kamrangko ka·ani kosako manderangni badi ka·doanirangko knachakna ba ra·chakna gita East Garo Hills a·jana Complaint Monitoring and Control Room Cell Helpline nombor-ko donataniko District Election Officer (DEO), Pa Jagdish Chelani, Butbar salo a·jani manderangna u·iatangaha.

Iani bidingo u·iataniko on·angani gita, a·jao ong·nasienggipa eleksino nangchape ong·gija kamrangni kosako manderang badi ka·anirangko dakna gita on·sogimin Mobile aro Whatsapp No. 7005203339, Voter Helpline No. 1950 (Call Free) aro Toll Free No. 18003453781 ba 03658-291037, iarangona ka·achi ba seatachi u·iatna gita man·gen.