Shillong, May 14: Assam a·doko gital sorkariko rikani ja·man, Assam-Meghalaya sima ari-ni bidingo agan-golpogrikani gnigipa bakko ta·raken a·bachengtaigen ine Meghalaya a·dokni Skotong Minister Conrad K Sangma Bristibar salo kobor ra·timgiparangna parakataha. Ia agan-golpogrikaniko dakanio dam 6 biaprang jekai- Langpih, Borduar, Nongwah-Mawtamur, Desh Doomreah, Block I aro II aro Psiar-Khanduli-rango so·so jengjeng ong·e dongenganiko namatani bidingoba chanchirimaniko dakanggen.
Iani bidingo ua ta·raken Assam-ni Skotong Minister Himanta Sarma baksa agangrikanirangko dakanggen ineba ua aganangkuaha.
2022 bilsini March jao, iani skanggipa bakko matchotaha jeon Meghalaya aro Assam a·dok, dam 6 biaprang chong·motan Tarabari, Gizang, Hahim, Boklapara, Khanapara-Pillangkata aro Ratacherra-o so·so jengjeng ong·aniko namatna New Delhi-o Union Home Minister Amit Shah-ni mikkango tom·tomanina songgigrikani soiko ka·angaha.
Na·simang iakoba nina man·gen:
Na·simang iakoba poraina man·gen: Pangkamgipa gama ge•ani bidingo Tura-ni CCS talate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
