Tura, May 14: ‘Sustainable Agriculture and Alternative Energy Pathways for a Climate-Resilient Future’ ine pangchakaniko donenba, Bristibar salo, Central Agricultural University (Imphal)-ni ning•o donggipa Tura-ni College of Community Science (CCS), press conference-ko ong•ate agan-talatanirangko on•angaha.
Ia program-ko ong•atanio, Tura CCS-ni skigiparang, official-rang, scientist-rang aro media-ni manderangba bak ra•angaha aro ia tom•anio, salgro salaram jolrango, dingtang dingtang karirango pangkamgipa gama ge•anirangko dakani bidingo chanchirimangaha.
Ia program-ko ong•atanio, Tura CCS-ni Dean Dr Jyoti V Vastrad aganprakengon, India a•songo, mongsongbate salgro salaram jolrango gama ge•ani korosrang batroroenganichi, gama ge•anirangko nangana bate samrangko pangchakdugaenganichi, a•arang nosto ong•anichi, chirang chu•onggijanichi aro a•salrang namrorojaenganichi game ge•e cha•giparangni chagrongna nangenggipa neng•nikanirangko janapangaha.
2025-2026 bilsini gisepo Tura CCS-ni chu•sokatgipa kamrangkoba ia tom•anio college-ni official-rang agan-talate on•angaha.
May 15 tarikoni June 5 tarikona kingking World Environment Day-ko maniani bak gita dingtang dingtang program-rang, jekai bol ge•ani, rongtal an•talatani, jinma re•jomani aro awareness program-rangko ong•atanggen ineba CCS-ni official-rang parakataha.
Na·simang iakoba nina man·gen:
Na·simang iakoba poraina man·gen: UNICEF-ni dilgiparang a•dokni CM-ko gronge agangrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
