Shillong, May 14: United Nations Children’s Fund (UNICEF)-ni dilgiparang, Bristibar salo, Meghalaya a•dokni Chief Minister Conrad K Sangma-ko Shillong songjinmani Taraghar-o donggipa State Guest House-o grongenba bi•sarangna simsak nirokaniko on•anio nangrime ka•enggipa kamrangko nipilangaha.
CM baksa tom•anio UNICEF-ni dilgiparang, salgnina Meghalaya a•dokni dingtang dingtang biaprangona re•ange, sanna banani kamrangko ka•enggipa manderang, ma•gipa dolrang, village health council-rang, district official-rang aro chadambe dolrangni dilgiparang baksa agan-chanchirimanichi an•tangtangni ma•sie ra•anirangko agan-talate on•angaha.
Meghalaya a•doko bi•sarangna tika su•aniko nambatatna, an•o donggipa ma•giparangni sianiko komiatna, bi•sa aro ma•giparangna an•seng baljokaniko on•na aro kamrango chadamberangko bak ra•atengani gimin UNICEF-ni dilgiparang, a•dok sorkariko mittelpilangaha.
Ia tom•anio, a•dok sorkarini jako ra•e ka•enggipa Mission 1000 Days-ni giminba che•em che•em chanchirimangaha.
Ia tom•anio a•dokni Chief Minister Conrad K Sangma, UNICEF-ni dilgiparang baksa chanchirimangengon, Meghalaya a•doko namroro silroroaniko ra•bana kam ka•ani bewalde, scheme-rangosan pangchakgija pangkamgipa namroro silroroaniko ra•banasa, mandena an•seng baljokaniko on•an baksana dingtang dingtang cholrangkoba on•na jotton ka•enga ine talataniko on•angaha.
Mandeni janggi tanganio, bi•sa bakgitchakoni dal•drobaengmitingona aro uni ja•manonaba dingtang dingtang nanganirangko chu•sokatna gita a•dok sorkari, dingtang dingtang department-rangko aro program-rangko apsan nangrimate kamrangko ka•ronga ineba Chief Minister aganaha.
Batanggimin bilsichetni gisepo, an•o donggipa ma•giparangni sianiko komiatani, atchidaldal bi•sarangni siani, tika su•anirango kolgapgijani, bi•sarango cha•ani ringani chu•onggijani aro uandakgipa kamrango dingtanganiko nikna man•aha ineba Chief Minister aganaha.
Meghalaya a•dokni kamrango dakchakanirangko on•angkuchina gitaba a•dokni Chief Minister, UNICEF-ni dilgiparangko didiataha.
Na·simang iakoba nina man·gen:
Na·simang iakoba poraina man·gen: Rerapara-ni Samagra Shiksha Block Resource Centre-ko nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
