Shillong, Jan 7: Drugs ba pekatgipa samrangko badinganina Assam Regiment Centre-ni havaldar baksana me•chik saksako Happy Valley-oniko East Khasi Hills a•jani police-rang rim•aha.
Rim•ako man•gipa manderangara Assam Regiment-ni Havaldar Mukesh Kumar Yadav aro Happy Valley-oni Meena Devi minggipa me•chik ong•achim.
“Lumpyngad jolo pekatgipa samrangko badingsrukna sienga ine koborko man•soenba, ANTF aro Laitumkhrah-ni police-rang ua biapona re•angaha aro sam badingenggipa manderangko rim•aha,” ine Police-rang parakataha.
Ia mande sakgniko rim•ani ja•man uamangoniko am•sandion, Havaldar Mukesh Kumar Yadav aro Meena Devi-oniko sabon bakso ge•gnioniko gram 25 ong•gipa ‘Heroin’ samrangko man•aha.
Iani bidingo NDPS-ni ning•o mokordomako ka•aha.
