Shillong, Oct 8: Meghalaya a·dokni Skotong Minister Conrad K Sangma, a·dokni dingtang dingtang a·jarango detox aro de-addiction centre-rangko rikna a·dok sorkarini mangsongenganiko parakatan baksa, a·doko chu·gimikan drugs free ba drugs jakkala grigipa a·dok ong·atna mangsonganio drugs-ko niamgri badingsrukrongenggipa biaprangko am·sandichina a·dokni Police-rangko ge·etataha.
Ia u·iataniko Drug Reduction Elimination & Action Mission (DREAM)-ni dingtang dingtang dolrang, officialrang aro gipinrang baksa tom·e chanchirimani somoio parakataha.
Kobor ra·timgiparang baksa agangrikengon Sangma, a·jani skotong songjinmao donggipa sanchakram biaprang jekai, sorkari aro private hospital-rango detox aro de-addiction centre-rangko rikchina Health and Social Welfare department-na u·iataha ine aganaha.
Uasan ong·aigija je NGO-rangan sorkari baksa bakrimna mangsongenga uamang baksa ia center-rangko chalaiani Standard Operating Procedures (SOPs)-ni bidingo chanchirimangaha ine aganan baksa, ia center-rangko nirokna ba chalaina sorkarini gita training-koba on·anggen ine Sangma ku·rachakangaha.
A·jani dingtang dingtang biaprango drugs ba pekatgipa bosturangko niamgri badingsrukrongenggipa biaprangko am·sandichina badingsrukenggipa dolrangko rim·china aro iandakgipa biaprango CCTV-rangkoba chattekchina Police Department-na u·iataha ineba Skotong Minister janapataha.
A·doko Rehabilitation centre-rangko baditana kingking jakkalengani bidingo sing·on, bang·bata a·jaon iandakgipa center-rang dongjani giminan ge·sa detox aro de-addiction center-rangko a·jani skotong songjinmao sorkari rikna mangsongengaha aro uasan ong·aigija, ia center-rango komigipa damo chalaiengama chalaijaenga sorkari an·tangan nirokanggen ine Sangma aganaha.
Indake, a·dokko chu·gimik drugs free ba drugs jakkala grigipa a·dok ong·atkuja dipet sorkari kamko ka·na jotton ka·anggen ineba Skotong Minister ka·donganiko on·angaha.
Na·simang iakoba nina man·gen:
Na·simang iakoba poraina man·gen: Dadenggre-o Panchayat Advancement Index-ni gimin Nokmarangna talata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
