Williamnagar, June 5: World Environment Day-ni salo, District Horticulture Office, Samanda C&RD Block-ni ning·o donggipa Bolkinggre songni manderang baksa apsan nangrime, East Garo Hills-o samgri gama ge·ani aro samtangtango donggipa ong·telaigiparangna nangchakeagrigipa gama ge·aniko ra·dona awareness program-ko ong·atangaha.
District Agriculture Office-ni official-rang, Krishi Vigyan Kendra (KVK)-ni am·sandigipa dolrang aro jolo songdonggipa manderangna ia program-o dongpae bak ra·angpaha. Ia program-ara Khet Bachao Abhiyan-na gisiko on·batengon, uamang game ge·e cha·giparangko a·arangko namdapatna gita samrangko bang·e jakkaljachina didiataha.
Samgri gama ge·aniko dakaniara, a·arangko nambatatna dakchakan baksana samrang jakkalaniko komiata aro samtangtango donggipa sambolrangko naljoke rakkina dakchaka ine u·i-ma·sigiparang agan-talate on·angaha.
Ia program-o bak ra·giparang, samtangtango donggiparangna namgniko on·gipa bolrang baksana samna jakkalgipa bol pangrangkoba ge·angaha. Ia program-ko ong·atani miksonganiara samtangtango donggipa sam-bolrangko ripinge rakkina, pangkamgipa gama ge·anina chakpaaniko on·a, a·arangko namdapatna aro game ge·e cha·giparangna mi-misirangko bang·bate man·a dakchakaniko on·anian ong·a ine Official-rang aganangaha.
Na·simang iakoba nina man·gen:
Na·simang iakoba poraina man·gen: Assembly-ni dilgiparang World Environment Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
