Shillong, July 19: Rotary Club of Shillong Heritage (RCSH), Sonibar pringo “Ek Ped Maa Je Naam” Campaign-ni bak gita Shillong-ni Pine Mount School-o bol ge·aniko dakangaha. Ia campaign-ko ong·atani miksonganiara manderangko an·tangni ma·giparangna ka·saani aro samtangtango donggipa ong·telaigiparangna simsak nirokaniko mesokna bolrangko ge·china didiani ong·a.
Ia tom·bimonganiko pringoni a·bachengataha, jeon forest official-rang, school-ni staff-rang Rotary Club-ni member-rang aro hostel-o donggipa sak 50 chatro chatrirang dongpae bak ra·angaha. Uamang samtangtango donggipa ong·telaigiparangna dakchakaniko on·gipa aro nitoatgipa bol Ligustrum Soh Paiat, Camelia japonica aro Jacaranda mimosifolia-ko man·chape pang 76 bol chararangko ge·angaha.
Ia campaign-ko ong·atna, Social Forestry Division aro Pine Mount School apsan nangrime kamrangko ka·angaha. Forest Officer H. Lato, bolara ma·gipa gita janggiko on·gipa ong·ani gimin an·ching uarangko simsak nirokna aro naljoke rakkina nanga ine ua aganangaha.
Rotary Club-ni President Gayatri Marnie Batkhar, samtangtango donggipa ong·telaigiparangko ripinge rakkina uamangni club on·kange kamrangko ka·enga ine u·iatengon, Environment Committee-ni Skotong Binayal Dutta, samtangtango donggipa ong·telaigipa gamrangko ripinge rakkina chadambe sakantikon ja·ku de·aniko dakchina didianiko dakangaha.
Principal B. Nongbri, sakantikon ku·cholsan ong·e kamrangko ka·anichi ia tom·bimonganiko chu·sokgipa ong·atna dakchakahanina de·mitelangengon, ia bolrangko ge·anichi school-rangko nitoatna dakchakan baksana sambolrangna simsak nirokani bidingo chatro chatrirangna skie on·a dakchakgen ineba ua agandapangkuaha. Skie ra·ani bak gita ia ge·gimin bol pangrangko nirok simsakaniko dakchina ua school-o poraigipa chatro chatrirangna u·iatangaha.
Na·simang iakoba nina man·gen:
Na·simang iakoba poraina man·gen: Garo Hills Swimmer-rang WGHDSA Trial-rangni skanggipa salo nambee daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
