Dibrugarh, June 28: Emergency ra·gatani somoioni bilsi 50 ong·aniko Bharatiya Janata Yuva Morcha (BJYM) aro BJPni Mahila Morcha-ni Dibrugarh-ni Hanumanbux Surajmall Kanoi College-o manianiko ong·atengmitingo, Congress Party Emergency-ni somoio a·songni niam rongdikko nisina jotton ka·ani ja·mano, da·o uko jokatna nanga ine chrik-a·bokna nangja ine Union Minister of Ports, Shipping & Waterways (MoPSW) Sarbananda Sonowal matnangaha aro Emergency ra·gataniko Congress-ni chasongni chasongna sason ka·roroani namgijanirangko parak ong·atgipa somoi ine aganaha.
“Bilsi sotbongana skang, Congress sokari, a· songo Emergency-ko ra·gate, manderangni dakna man·gnirangko dontongataha aro indita bilsirangna Dr. B R Ambedkar aro uni ka·rimskarangni neng·skime segatgimn niam rongdikko kal·stekaha. Indira Gandhi-ni bilna mikbokani aro uamangni nokdangni chanchianirang democracy-ko nisiataha,” ine Sarbananda Sonowal parakataha.
Uandake, ka·donge manderangko re·dilaha aro democracyko chel·chakaha ine ua Jayaprakash Narayan aro Atal Bihari Vajpayee baksana Congress-ni namgija kamrang aro sasonni kosako manderangko mikrakdilanina Assam-ni Golap Borbora aro gipin dilgiparangko mande ra·bee gisik ra·aha.
“India-ni millionni million manderang bakrime an·chingni niam rongdikko chel·chakaha, aro uni a·selan da·alo India-ni sakprak mandean songsaro mande ra·ani aro janggi tanganio tang·dororoaniko man·enga”, ine ua agandapaha.
Una agreba, Congress-ni kamrangko chasong gitalni chadamberang mamung saloba gualna nangja aro India-ni ia andalgipa itihas mamung saloba sokbapiltaina nangja ineba ua aganaha.
“PM Modi-ni ning·o pilak niamrangan democracy, mandeskana ka·sagrikani aro darangkoba mikkang nitegijaniko mesoka. Uni dilanichi an·chingni democracy tangenga aro bilakengani gimin, a·gilsak gimiko India mande ra·ako man·enga,” ine ua Prime Minister Narendra Modi-ni dilaniko rasong on·e aganaha.
Emergency-ni somoio Cabinet Ministerrang uamangni chanchirimanirango Sanjay Gandhi-ni ra·chakaniko sengna nangachim aro Lok Sabha uamangni nokdangni namnikaniko chu·sokatna chalaigipasa ong·aiachim ine Sonowal matnangaha. Una agreba, sorkarini officerango Mahatma Gandhini noksarangni pal Indira Gandhi-ni noksarangkoba uamang siteahachim aro mingsinggipa Kishore Kumar-ni gitrangkoba All India Radio-o dontongatahachim ineba ua aganaha.
‘India-an Indira aro Indira-an India’ ine Congress-ni chrik-a·bokaniarangan uamangni chanchianiko mesoka aro ian Indiani democracy ong·aniko daksretani ong·a ineba ua matnangaha.
Congress-an a·songni namroro-silroroanikoba pilakni gitan ru·utataha aro indita bilsirang bil-o ong·genchimoba uamang bang·a manderangnan nangchongmotgipa cha·ani, ringani aro dongchakaniko on·a man·jaha ine agane, BJP-ni dilenggipa NDA sorkaride, democracy-ko tangatna aro Atmanirbhar Bharat-ko rikna pangnan krenga aro darang jatko ba biapko watchangja ine Sonowal parakataha.
Democracy-an India-ni be·en an·chi aro niam rongdik-an uni janggi ine, ia minggniko chel·chakaniara uamangn daito ong·a ine Sonowal tom·anio bakrimgipa chatro-chatrirangna didianikoba on·aha.
Na·simang ia video-koba nina man·gen:
Na·simang iakoba poraina man·gen: A·a ruani a·selo adita a·dokrangona re·ruraenggipa rel aro gari ramarang champengatako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
