Tura, July 9: Budbar salo, Meghalaya Basin Management Agency (MBMA), Van Dhan Vikas Kendra (VDVKs)-ni bidingo chanchirimaniko dakna Tura-ni Hotel Polo Orchid-o salsana program-ko ong·atangaha, jean Prime Minister-ni Van Dhan Yojana (PMJVM)-ni bak ong·a. Cooperatives-o kam ka·gipa manderang aro project team-rang baksana Garo Hills gimikni project manager-rang ia program-o dongpae bak ra·angpaaha. Ia program-ko ong·ataniara, buringo man·gipa bolam biterang ba ma·manti bosturangko jakkale bading chiwalaniko dakgipa manderangna dakchakaniko on·e tribal manderangni janggi tanganiko namdapatna miksonganio ong·a.
Ia tom·bimonganio mongsonggipa aganprakaniko dakgiparangara, MBMA-ni Assistant General Manager aro PMJVM-ni Officer Incharge, Sourav Bose aro Ernst & Young Company-ni Consultant, Dr. Dinesh Yadav baksana Shillong songjinmao PMJVM dolko dilenggipa Raj Vashisth ong·a.
Ia Van Dhan Yojana-ara, buringo man·gipa bolam bite ba sambijak bol bijakrangko jakkaltobegipa bosturangona tariskae chong·motan sojina ginde, ran·atgimin te·patang bite aro kamilengga ba amilengga jam-rangko tariatenba, tribal manderangna bang·bata tangka paisarangko man·a dakchakaniko on·a ine, Sourav Bose jinmana aganprakataha. Ia scheme-ara tangka paisa kamaiani cholko on·aiasan ong·aija indiba ian uamangni kamrangchi tribal manderangna mande ra·ani aro mikkim rasongko on·aniba ong·a ineba ua talate on·angkuaha. Una agreba, Meghalaya a·doko dam 130 Van Dhan centre-rangoni dam 60-rang Garo Hills-o kamrangko ka·enga ine u·iatengon, ia jolo namroro silroroanina bil donggipa biap ong·a ineba ua u·iatangkuaha.
Bose, Me·gong bibal (Clerodendrum colebrookianum), jean be·enna namgniko on·an baksana jolo songdonggipa manderangni dakbewal rikbewalnaba gamchatgipa ong·a ine aganangaha. Iani gisepon, ia bibal-ko gulal ba rong gnanggipa ginde tarienba Holi Festival ba maniani somoio jakkalna man·an baksana jolo songdonggipa manderangna gital bading chiwalaniko a·bachengatna namgipa cholko mesoke on·aniba ong·a ine ua aganangaha.
Ia program-ko ong·atanio, a·dokni dal·begipa chanchisamsoani chong·motan Van Dhan Vikas Kendras (VDVKs)-rangko tribal jatrangni ma·gitcham pagitchamrangni u·i-ma·sianiko, chasong gitalni bading chiwalani baksa apsan brinenba chonchongipa bading chiwalaniona (MSMEs) dakatna miksonganikoba jinmana u·iate on·angaha. 2018 bilsio Ministry Of Tribal Affairs-ni a·bachengatgipa aro TRIFED-ni chalaienggipa ia Van Dhan Yojana-ara, Meghalaya a·doko dam 39-oni dam 130-ona tang·dobaaha, aro ianoni dam 75 cooperatives-rangde Garo Hills-on kamrangko ka·enga.
Buringo man·gipa bosturangko maidake jakkalna nanga aro maikai bading chiwalaniko dal·roroatna man·genchim uni gimin manderangna dakchakaniko on·a, iandakgipa bang·a workshop-rangko gipin a·jarangoba ong·atanggen ine MBMA-ni official janapataha. A·dokni gita jolni ming 8,200 bosturangko man·ani gisepon, da·o uamang gital chanchibewalaniko jakkale, samtangtango donggipa ong·telaigiparangna nangchakeaniko ra·bagijagipa niamrangko ja·rikan baksana tribal manderangni dakbewal rikbewalrangko mande ra·e Van Dhan program-ko dal·roroatna kamrangko ka·enga.
Na·simang ia video-koba nina man·gen:
Na·simang iakoba poraina man·gen: Manderangni naljokanina sorkari kamko ka·enga: Dhar
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
