Shillong, Feb 16: Adita sal somoirangni gisepo ong·atna sienggipa Garo Hills Autonomous District Council (GHADC) election-o GHADC-ni Chief Executive Membor (CEM) ong·enggipa Albinush R Marak, cheani cholrang komiaha ine ia election-na National People’s Party (NPP)-ni tikitko on·na jechakaha.
Sombar salo, NPP-ni working president aro a·dokni Cabinet Minister Marcuise N Marak-ni kobor ra·timgiparangna aganani gitade, GHADC election-na NPP-ni tikitrangko sualanio, chenagipa candidate-rangkosa nie sualengani gimin ia chang election-o GHADC-ni CEM aro Siju constituency-ni MDC Albinush R Marak-na party-ni dilgiparang, tikitko on·na jechakaha.
Party-ni candidate-rangko seokna tik ka·anio bakrimchina gita uamangko Albinush Marak-ko mol·molataha ineba Marak aganaha.
GHADC election-na NPP-ni skanggipa sak 24 candidate-rangko seokanio, chenagipa, party-na kakket ong·gipa aro politics-ni kamrango changgipa sapgipa manderangko niesa seokaha ineba NPP-ni working president parakataha.
NPP-ni sak 24 candidate-rangko, regional committee-ni recommend ka·anio pangchake, Prestone Tynsong-chi dilenggipa state election committee ra·chakangaha ineba Marak parakataha.
NPP-ni tikitna dorgasto galgiparangko jechakaniara altua kam ong·ja aro mitam constituency-rangode tikitna dorgasto galgiparang saksnimang ong·pilaha ine janapatengon, party tikitna dorgasto galgipa candidate-rangko party-ni national president Conrad K Sangma aro gipin dilgiparang an·tangtangan grongaha ine Marak aganaha.
Na·simang iakoba nina man·gen:
Na·simang iakoba poraina man·gen: A·ba o·e cha·aniko dontonge bol wa·arangko bang·bate ge·skachina Arunachal Forest Minister mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
