Shillong, Sep 30: Garo Hills Autonomous District Council (GHADC)-o kam ka•enggiparangni man•na nangkuenggipa dormaharangko on•na aro November 1 tarikoni dormaharangko somoi gita on•na Meghalaya sorkari, tangka paisarangko on•e dakchakatna tik ka•angaha.
Mongolbar salo Cabinet tom•a matchotani ja•man kobor ra•timgiparangna talataniko on•angengon, GHADC-o kam ka•enggiparangni man•na nangkuenggipa dormaharangko on•na aro November 1 tarikoni dormaharangko on•na gita a•dok sorkari, council-ni man•na nanggipa kajinarangoni gong crore 24-25-mangko aro gipin crore 25-ko man•chape gimik gong crore 50 tangkarangko GHADC-na on•sona tik ka•angaha ine a•dokni Chief Minister Conrad K Sangma parakataha.
GHADC baksa agangrikgipa sub-committee-ni report-ko on•angani ja•man District Council Affairs Department-ni ning•o donggipa committee-ni ku•pattie on•anio pangchake a•dok sorkari, GHADC-o kam ka•giparangna dormaharangko on•na gita ia tangka paisarangko dakchake on•na tik ka•angaha ine Chief Minister parakataha.
Chief Minister-ni parakatani gitade, ia tangka paisarangko GHADC-na on•soanichi kam ka•giparangna, uamangni man•na nangkuenggipa dormaharangoni ja 12-mangni dormahako on•na man•gen aro ia tangka paisarangchi kam ka•giparangna somoi gita dormahako on•angna man•gnok.
GHADC-ni man•na nanggipa kajinarangoni crore 24 ba crore 25-mangni gita tangka paisarangko a•dok sorkari on•anggen ine janapatengon, GHADC-o kam ka•enggiparangni man•na nangkuenggipa dormaharangoni ja 12-ni dormahako on•na aro November 1 tariko dormahako on•na gita crore 25 tangkarangkoba a•dok sorkari on•dapsogen ine Chief Minister parakataha.
Ia tangkarangko kam ka•giparangni dormaharangko on•na jakkalchina gita a•dok sorkari, GHADC-ni ESCROW account-ona watatgen ineba Chief Minister aganaha.
Ia tangka paisarangara, ‘bail out package’ ong•ja indiba GHADC-ni man•na nanggipa kajinarangoniko on•samsoanisan ong•enga ineba Chief Minister talataniko on•angaha.
West Garo Hills a•jani Deputy Commissioner-ko GHADC-ni ex-officio Principal Secretary songna tik ka•aniko GHADC ra•chakangaha ineba Chief Minister parakataha.
Chief Minister-ni u•iatani gitade, GHADC-o kam ka•enggipa gimik sak 1300-mangoni sak 800-mangni gitade, sorkarini on•enggipa dormaharangko ra•chakenga ine soi ka•enba sub-committee-na on•atmanaha.
Na·simang iakoba nina man·gen:
Na·simang iakoba poraina man·gen: Bilsi 20-ni ja·mano Tura aro Williamnagar-o MBoSe-ni obostako gisik ra·atpilani
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
