Shillong, Jan 15: Bristibar salo, Shillong-ni Mawlai Kynton Massar-o gital rikgipa Shillong Engineering College building-ko wa·al kamaha aro adita campus-ni bosturangko kamenba nisigalaha.

Koborko man·soani gita, ian bijolini short circuit ong·ani a·sel wa·al ching·chaoaha ine chanchichipenga.

Indake, rika cho·anio jakkalgipa bosturangko chimongchake donenggipa kutturio ia wa·al ching·chachengaha uni ja·mansa gipin sepanggipa biaprangonaba gipangaha ine u·ina man·aha.

Ia a·selni bidingo koborko man·soa bakan wa·al kimitgalgipa dolrang ua biapona dariangaha aro gipin kutturirangona giproroangna skangan wa·alko kimitgalna man·aha.

Ia a·sel ong·anio darangba saknaako man·jaha ine koborko man·soaha aro baditana kingking bosturang nosto ong·atako man·ahachim chu·gimik koborko man·sokujaenga.