Guwahati, May 19: Guwahati songjinmao niam gri bostu kenta badinganiko police-rangni am•sandianio, gong crore 12-mang ong•gipa cha•ugimin bosturangko, Birubari jolo donggipa biap damgittamoniko Robibar attamo man•aha.
District Library-oniko copper aro bijolini wire-rangko cha•uani aro dingtang dingtang biaprango bostu cha•uani bidingo badi ka•anirangko man•soani ja•man police-rang, Robibar attam 4:00 bajimangoni, kenta bostu chimonggipa biaprangona re•ange, am•sandianirangko dakna a•bachengaha aro ia biap damgittamoniko, kg 2000 ong•gipa copper, kg 7000 ong•gipa pitol, kg 1000 ong•gipa silrang, kg 2500 ong•gipa air conditioner condenser, garini bosturang aro battery ge•gniko man•aha ine ADCP Sambhavi Mishra parakataha.
Ia bosturangko cha•uanina ia kenta bostu chimonggipa biap damsani nokgipa Montu Ali-ko police-rang chanchichipenga aro da•o dipet ua police-rangoni kate dongenga ineba Mishra aganaha.
Ia mandeara Hajo-oni ong•a aro ua Hajo-ni badiaba biapon dongnue dongenga ineba police-rang chanchichipenga.
Iani bidingo police-rang ning•tue am•sandianirangko dakengkua aro ia dolni gipin manderangkoba rim•na sandienga ine Mishra aganaha.
Na·simang ia video-koba nina man·gen:
Na·simang iakoba poraina man·gen: EJH-o gari a•sel ong•e mande saksa siani ja•man so•sojengjeng ong•a; Bol 15 garirangko so•e gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
