Shillong, May 19: Robibar attamo, East Jaintia Hills a•jani National Highway (NH-06) ramao donggipa Wahiajer song samba jolo, mande saksa gari salpaka man•e siani ja•man, songni manderang jinma ding•chaoenba, songo donggipa Star Cement company-ko chadrapeaha aro ia jolrango donenggipa bol 14 ba bol 15 garirangko so•chipe galaha.
Police-rangni u•iatani gitade, Robibar attamchibara, Wahiajer song sambao Star Cement-ni truck gari aro pick-up truck gari bolsa chatinggrike a•sel ong•aha aro a•sel ong•ani ja•man Star Cement-ni truck gariko salgipa mande, truck gariko sale ua biaponi kataha. Ja•mano pick-up truck garini driver, gipinrang baksa Star Cement company-ona re•ange, ia truck gariko srapeaha aro ua biapona sokanga bakan pick-up truck garini driver, Star Cement-ni truck gario gadoe, truck garini driver-ko dokna a•bachengaha. Uni iandake dokani gimin Star Cement-ni truck driver, gariko sale katna jotton ka•on, pick-up truck garini driver-ko saldapa gita dakaha aro gari saldapako man•e ua, ua biapon siaha.
Ia a•sel ong•ani ja•man jolo songdongenggipa manderangoni sak 300-mangni gita ate aro gipin silchidarerangko ra•e, Star Cement company-ni barrio tom•chimongeaha aro ia company-ni security guard-rangko chadrape, sentry post aro CCTV camera-rangkoba nisie galaha.
Sianggipa mandeni manggisikoba ia manderang ra•angna on•gija champenge dongaha indiba ja•mano uni manggisiko Khliehriat Civil Hospital-ona watatna man•aha.
Adita somoirangni ja•man ka•a ding•chaoenggipa manderang jinma, Star Cement-ni parking lot aro gipin biaprango park ka•e donenggipa bol 14 ba bol 15 garirangko so•chipe galskaaha. Garirangko iandake so•e galahani gimin bakan ua biapona wa•al kimitgipa garirangko okamataha indiba ka•a ding•chaoenggipa manderang, fire brigade-ni manderangkoba chadrappangpilaha aro fire brigade-koba so•e galna jotton ka•aha.
Fire brigade-ko so•e galna jotton ka•ahani gimin police-rang champengon, ia manderang, police-rangkoba chadrappangpilaha indiba ja•mano adita sipai dolrangko ua biapona okamdapatenba, so•sojengjeng ong•aniko namatna man•aha.
Manderangko ua biaponiko katatna man•ani ja•man wa•al kamenggipa garirangkoba kimitna man•aha aro ia biapo so•sojengjeng ong•anirangko chel•chakna gita Star Cement compound-o sipai dolrangko donataha.
Na·simang ia video-koba nina man·gen:
Na·simang iakoba poraina man·gen: Garo Hills-o mikka kimpreta aro jimanina IMD mikrakataniko on·soa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
