Shillong, Jun 13: Adita salrangna skang, Sohra-o Indore-ni tourist saksako so•otani ja•man Meghalaya a•doko Inner Line Permit (ILP)-ko ra•gatchina dabianirang ong•kattaiahaon, da•o dipet ILP-ni bidingo Home Affairs Ministry-oni maming aganchakanirangko on•kujaengani gimin Sukrobar salo a•dokni Cabinet tom•enba, Meghalaya Residents Safety & Security Act (MRSSA) 2016-ko mangrakbatatskana tik ka•angaha.
Cabinet tom•ani ja•man kobor ra•timgiparangna talataniko on•angengon, adita salrangna skang Sohra-o ong•anggipa a•selko nikna man•ahani gimin aro a•dokona re•baenggipa tourist-rang ong•gija kamrangko ka•na man•jana gita a•doko ra•gatgimin MRSSA-ko mangrakbatatna tik ka•angaha ine a•dokni Cabinet Minister aro MDA-ni spokesperson Paul Lyngdoh parakataha.
Dingtang dingtang dolrangni ILP-na dabienggipani bidingo janapatengon, ILP-na Meghalaya Assembly-de resolution-ko ra•manahani gimin ian da•ode Home Affairs Ministry-ni jakosa ong•aiaha ine Lyngdoh aganaha.
ILP-ko Meghalaya a•dokna on•genma on•jawa name ma•sikujaengani gimin MRSSA-ni ning•o dongsogimin niamrangko bilakbatatanian nambatgipa chol ong•enga ineba a•dokni Tourism Minister aganaha.
Tourism-o dongsogimin nirok sandiani niamrangko janapatengon, tourist-rangni re•ruraani aro dingtang dingtang homestay, resort ba hotel-rango donganirangko see rakkigipa Tourism app-ni bidingo Lyngdoh talate on•angaha.
MRSSA-ko nipilna miksongenggipani gimin janapatskaengon, mikkangchi tourist-rangna aro a•doko songdongenggipa manderangnaba naljokaniko on•na gita ia niamko sorkari, mangrakbatate taridapna sienga ine Lyngdoh parakataha.
Na·simang ia video-koba nina man·gen:
Na·simang iakoba poraina man·gen: Raja Raghuvanshi-ko sawa, basako aro maina so·otaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
