Shillong, June 13: Indore-oni bia ka·daldale Meghalaya-ni mingsinggipa Sohra-ona re·bagipa tourist Raja Raghuvanshi-ko so·otani biding, basako, maina aro maidake so·otna chanchisamsoahachim, pilakan parak ong·aha.
Special Investigation Team-ni (SIT) skanggipa salo sing·doanirangko dakon, Raja-ko so·otanio mongsonggipa chanchidilgipa, Sonam Raghuvanshi-ni mikchagipa bilsi 21 ong·gipa Raj Kushwaha ong·a, aro unbaksa Sonam bakrime chanchiaha, indake uamang saksa-sakgipinna mikcha-ka·sagrikani a·sel Sonam aro Raja-ni biana skangan Raja-ko so·otna chanchisamsaoaha ine Bristibar salo East Khasi Hills Superintendent of Police Vivek Syiem baksa SP( City) aro Special Investigation Team-ni dilgipa Herbert Pyniaid Kharkongor parakataha.
Shillongni District and Sessions Judgeni Court Sonam aro sakgittam matnanga man·giparangko sal-8na policerangni jako donchina watataha.
Sakbonga matnangako man·giparang – Sonam Raghuvanshi, Raj Kushwaha, Vishal Chauhan, Akash Rajput aro Anand Kurmi an·tangtangni dosko ku·chakaha ine Syiem parakataha. Raja-ko so·otgipa sakgittam manderang tangkana tik ka·giminrang ong·ja indiba Raj-ni meligipa ripengrangan, aro uamangoni saksade Raj-ni jonggipa/adatang nanggipaan ong·a, aro uamang Raja-ko so·otna uni biana sal-11 skangan manchisoaha ineba Syiem aganaha.
So·otna skang, matnangako man·giparang changni chang jotton ka·ahachim indiba bon·kame May 23 tariko uamangni kam chu·sokaha ine sandianirango nikna man·aha.
“So·otgipa dolrang Guwahati-ni badiaba biapon Raja-ko so·otna am·ahachim indiba chu·sokjaha. Uni ja·mano Sonam, Shillong aro Sohra-ona re·bana chanchiaha, aro uamang sakgittam (Vishal, Akash, aro Anand) ja·rikbaaha. Sohra-o uamang Nongriat-o Rajako so·otna chanchiahachim indiba manggisiko galna biap man·jaha. Mawlakhiat aro Wei Sawdongni gisepoba uamang jotton ka·ahachim indiba Raja-ni paikana re·angomangba chu·sokna man·jaha. Ja·mano uamang uko Wei Sawdong-o so·otaha,” ine SP Syiem aganaha.
So·otgiparang sakgittam-an Raja-ko attechi den·aha aro Sonam sepango chadenge dongaha. Uni ja·mano uni segipani manggiko a·silangona galatna uaba dakchakaha. Ia pilak obostaan salni 2 aro 2:28 bajini gisepo ong·aha aro 2:18-mango uamang ua biaponi ong·kate re·anga ine SP Syiem talataha.
Ramao, Akash-ni chola-o an·chini dak dongani gimin Sonam uko pindapna an·tangni raincoatko on·aha.
Sonam-ko Raja-ko drae bia ka·atani a·sel uko so·otaona sokaha ine SP aganaha.
Tangka-paisa aro gam-jinni bidingoba sandianirangko dakgen ineba SP janapaha. So·otgipa manderangara Raj-ni ripengrang ong·ani gimin uamangna tangkarangko bang·e on·jaha indiba ramarango korosrangna uamangna tangka 50,000-ko on·aha. Raj-ara kangalgipa nokdangoni ong·ani gimin tangka gamanirang dongama dongja u·ikuja ineba ua talatdapaha.
Konta 24-o sing·doanirangko dakon iandakgipa parakanirangko man·aha, uandake da·o salsnina sing·doanirangko dakangkugen aro bang·a aiao inmangipa sandie man·anirang dongkugen ine ka·dongsoenga.
Na·simang ia video-koba nina man·gen:
Na·simang iakoba poraina man·gen Sonam-ni ‘gimana’ chanchisamsoanio Raja maikai siaona sokaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
