Shillong, Jan 29: A·chik jatrangni kosako ISIS-K ine chanchichipgimin ka·mikkenatani bidingo ma·mong sorkarioni sandirikkitanirangko dakchina ine Budbar salo Confederation of Meghalaya Social Organisations (CoMSO) dabiangaha.
“Manderangna ka·donganiko on·na, kengni donggipa biaprango sipai dolrangko nitimatanirangko bilakbatatana agreba ia ka·mikkenatani banoni ong·baa, maiko miksonga aro sawarang bak donga, uarangko gong·raken sandichina chinga dabienga,” ine CoMSO-ni chairman Roykupar Synrem Prime Minister Narendra Modi-na memorandum-o see parakataha.
“Una agreba, a·songni tom·tomaniko jingjengatgipa aro a·songni niamrangko pe·gipa pilak manderang, aro a·songni kosako chakatgipa dolrangko dakchakenggipa, ba chelchakenggipa manderangko rim·china aro sastiona ra·bachina aro sima ari-o naljoke rakkiani cholrangko nipiltaichina; ong·gija dakgipa kamrangko ka·enggipa dolrangko bon·atchina aro a·doko donggipa ma·ambioni ong·bagipa jatrangko naljoke rakkichinaba chinga dabienga,” ine ua agandapaha.
Ia ka·mikkenatani, jeon 2027 bilsiona somoi on·enba uamangni atchu-ambini dongram biaponi katangchina A·chik manderangko ka·mikkenataniko dakaha, ian a·songo tom·tomani, jatsa jatgipin baksa meli-nangrimani aro ma·ambioni ong·bagipa manderangni bilrangko gimaatna ka·mikkenatani ong·a ine Synrem parakatangaha.
“Agilsak gimiko bobil dake chakatanina mingsinggipa ISIS-K gita dakgipa dolni bimungko jakkale ka·mikkenataniara chona katta ong·ja,” ine ua aganangaha.
“A·chik manderang uamangni dongramko – 2027 bilsio ba gipin somoioba wate re·angjawa. Garo Hills-ara Meghalaya-ni nangchongmotgipa bak ong·a, aro India a·songoniko uko ekatna amja. Uni gimin, a·songko tom·tome a·sel nanga gri rakkina, niam bidikko ja·rikna aro ma·ambioni ong·bagipa manderangko naljoke rakkina gita gong·rake name ja·ku de·aniko chinga nichaksoenga,” ine Synrem agandapangaha.
Na·simang iakoba nina man·gen:
Na·simang iakoba poraina man·gen: Nongskeh-ni player-rang Sikkim CM Gold Cup title-ko chea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
