Shillong, Jan 29: Raid Sawkur Nongskeh dol, Nongskeh Sports Social and Cultural Club (NSSCC)-ko South Sikkim-ni Jorethang-o ong·atgipa chang 11-gipa Chief Minister’s International Gold Cup 2026 title-ko cheanina mitelpilskaaniko dakangaha.
Gold Cup-ko cheaniara Nongskeh dolna kariko nambee matchotatani ong·aha. Uamang First Division Football League baksana Champions Cup title-ko cheanichi, Coach Richardson Nongneng-ni dilanio bilsisani gisepo ge 3 trophy-rangko man·angaha.
NSSCC-ni President Daniel Thangkhiew, ia Club-ni dal·rorobaaniara football-ni niamrangko maniani aro ru·uta somoirangna tarisamsoanichisa ong·na man·aha ine aganangaha. Iani gisepon, dal·dalgipa Club-ni player-rangba Nongskeh dolona napbaaha maina uamang tangkao bebe ra·ja indiba project-osa bebe ra·a ine ua u·iataha. Ua club-ni gita jolo robol kal·na gisiko nanggipa sak 3 player-rang baksa soi ka·aniko dakanggen aro ta·raken gital jersey-rangkoba nakatatgnok ineba u·iatangkuaha.
Meghalaya Football Association-ni President Hamletson Dohling aro Shillong Sports Association-ni President Banteidor Lyngdoh, Gold Cup-ko cheaniara robol kal·ani a·bao Meghalaya a·dokni bimingko tangdoatna dakchakaha ine ua aganangaha.
Mylliem-ni MLA Ronnie V. Lyngdoh, dolni dambe Khasi player-rangni chu·sokanina rasongko on·e aganengon, State level-na agreba uamangni Club chubata gadango susaanirangko dakanggen ine ua ka·donganikoba parakataha.
Sports and Youth Affairs Minister Wailadmiki Shylla, a·dok sorkarini medal chegipa player-rangna sorkarini kamko on·a niamrangko tarianiara, kal·susaanina gisiko nanggipa player-rangko mikkangchi janggi tanganina maming jajrenga gri kal·susaanina gisikko on·a dakchakaniko on·gen ine janapataha.
Na·simang iakoba nina man·gen:
Na·simang iakoba poraina man·gen: “Miya-rangna neng•nikanirangko on•china anga Assam-ni manderangko didia”:Assam CM Himanta Biswa Sarma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
