Guwahati, Jan 29: Assam-ni Skotong Minister Himanta Biswa Sarma “Miya” Muslim-rangni kosako adita matnanganirangko dakenba, a•dokoni katangchina uamangna neng•nikanirangko on•china a•dokni manderangko didienga ine parakataha.
“Miya Muslim-rangna jedakgipa neng•nikanirangkoba on•bo. Uamang neng•nikanirangko man•genchimode, Assam-oni katanggen. Anga Miya-rangna neng•nikaniko on•na sikgenchimode, salni 12 bajioba man•gen, mamung neng•nikani dongja. Chinga Miya Muslim-rangko jegalenga. Chinga mamungkoba donnujaenga-Miya-rangko namnikgijaniko paraken aganatenga,” ine Sarma kobor ra•timgiparangna parakataha.
Uandake, ia Muslim jatni manderang Duliajan-ona sokangaha aro sima ari-o kajia-golmalrangko ong•atanirangko janapaha ine a•dokni skotong minister parakataha. “Iano balminduri ong•gen indiba uni a•sel Pakistan-o jingjengataniko man•gen,” ine ua aganangaha.
“Assam-ni constituency-rangni bimungrangko sing•genchimode angade ukode nigija aganchakna man•aigen. Indiba ua mandeba apsandaken nigija aganchakna man•genma?” ine Sarma Congress-ni dilgipa Gaurav Gogoi-ko bimung minggija sing•doaha.
Una agreba, Congress dolrangde “Miya party” ong•aha aro badiaba biaprangode elction-o cheanirang torom aro jat-ko baseanichi ong•a ine ua aganangaha. “Lower Assam-o uni torom aro jatni manderang dongani gimin ua chenaba gnang. Miya election-rangode uan chegen,” ine Sarma aganaha.
Assam-o electoral roll-rangko Special Revision (SR) dakengani bidingo janapenba, “Miya-rangni” kosako Form 7 dorgastorangko bang•e gapatchina ua BJP worker-rangko ge•etaha ine aganangaha. Ia ge•etanirangko Video conference gita on•ataha, aro revision ka•ani somoirango neng•nikanirangko segatchina party worker-rangko ua didiaha.
Elecoral roll-rangni Special Revision-rangko Assam-o da•o dakengmiting ong•enga. Adita salrangna skang, Form 7 objection-rangko mamung a•sel ba janapanirang gri bang•en on•atenga ine Congress matnangenba, Chief Electoral Officer-ko dakchakchina aganaha.
Form 7-ara voter list-o bimungra voter list-o bimungrangko on•aniko jegalna ba an•tangni ba sakgipinni bimungko kimitna jakkalgipa ong•a.
“Assam-o Bangladeshi Miya-rang donga ine pilakan ma•sia. Saoba Thowra ba Dimou-o u•iatanirangko man•soahama? Darangba man•kuja. SR-ni somoio Bangladeshi Miya-rang u•iatanirangko man•sojaode, Assam-o a•palchini manderang dongja ine ong•gen,” ine Sarma media-ni manderangna parakataha.
Assam Assembly election-rang sepangbaroroengon, “Miya politics”-an a•doko mongsonggipa katta ong•enga, aro BJP-ni kam ka•aniko bilakbatatenga.
Na·simang iakoba nina man·gen:
Na·simang iakoba poraina man·gen: Bisi gnang cha·aniko cha·mane sak 150 manderang saaniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
