Shillong, Jun 29: Prime Minister Narendra Modi, Meghalaya a·dokona Union Minister-rangko dingtang dingtang namdapatani project-rang aro tangka paisani gita dakchakanirangko watatenga ine Pynthorumkhrah-ni BJP MLA AL Hek aganangaha. A·doko songdonggipa manderang ia scheme-rangni namgnirangko man·a gita ia scheme-rangko name a·bachengate on·aniara a·dok sorkarini daito ong·a ine ua u·iataha.
Cabinet Minister AL Hek, NPP-ni a·kangatanirangna aganchakaniko on·engon, ia scheme-rangara ma·mongo BJP-chi dilenggipa sorkarini a·bachengatgipa ong·a ine aganenba, ia scheme-rangko on·atanina Prime Minister Narendra Modi-na rasongko on·e aganangaha. Ia scheme-ni namgnirangko manderang man·china gita ia scheme-rangko name a·bachengate on·anide a·dokni department-rang jekai Public Works Department aro Health Department-rangni daito ong·a ineba ua u·iatangkuaha.
Ma·mongni dakchakaniko election-na miksonge re·baenga ine a·kangataniko jegalatengon, namroro silroroanide je somoioba ong·na man·aia ineba AL Hek aganangaha. Iani gisepon, Meghalaya a·dok tourism, kal·susaani aro sana bananirangna bang·bata dakchakanirangko man·a ka·donganikoba ua parakataha. A·doko gimikni gita namroro silroroaniko ra·bana gita a·dokni BJP, ma·mong sorkario dakchakaniko bi·angkugen ineba ua agandapangkuaha.
Na·simang iakoba nina man·gen:
Na·simang iakoba poraina man·gen: ILP-ko ra•gatanio pilakni gitan namgni ong•na nanggen ine BJP MLA agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
