Imphal, Nov 22: Re•baenggipa 2022 bilsini Manipur Legislative Assembly election-o Sheikh Noorul Hassan, National People’s Party (NPP)-ni candidate ong•e susana siengani gimin Meghalaya a•dokni Chief Minister aro NPP-ni national president Conrad K Sangma-ba Sombar sal dipet, Kshetrigao Constituency-ni Aba Ground-o jinma tom•bimonganiko ong•ate campaign ka•aniko a•bachengataha.
We kick-off our election campaign for #Manipur from Aba Ground in Kshetrigao Constituency with a campaign meeting for party candidate Sheikh Noorul Hassan, who will be contesting at the 12th Manipur Legislative Assembly in 2022. Grateful for the love shown by the people. pic.twitter.com/uRErAINIFe
— Conrad Sangma (@SangmaConrad) November 22, 2021
Sombar salo, NPP-ni tom•aniko Imphal songjinmani biap damgnio ong•atangaha aro ia tom•anirango Conrad Sangma baksana Meghalaya a•dokni MLA sakgni, chong•motan Thomas A Sangma aro Marcuise Marak-ba dongpae bak ra•angaha.
Manipur a•dokni Kshetrigao Constituency-o Sheikh Noorul Hassan aro Yaiskul Constituency-o Huidrom Vikramjit Singh, NPP-ni candidate ong•e susaengani gimin Sombar salo, NPP-ni national president Conrad Sangma, ia constituency damgnion campaign ka•angaha aro ia biap damgnion bang•bea manderangni tom•bae bak ra•paanirangko nikna man•aha.
At Soudongpung Lampak to campaign for Huidrom Vikramjit Singh, our intending candidate for 14-Yaiskul Assembly Constituency. Astounding support here too. The enthusiastic air in Manipur is waving the NPP flag high! pic.twitter.com/yXjqiTL17i
— Conrad Sangma (@SangmaConrad) November 22, 2021
Ia tom•anirango NPP-ni dilgipa Conrad Sangma, jinmana aganprakengon, Manipur a•dokni manderang NPP-na chakpaaniko on•chongmotgen ine ua ma•sia maina salgro salaram gimikni namgninan NPP kamko ka•enga ine parakangaha.
Salgro salaram a•dokrango pilakni gitan namroro silroroaniko ra•bana NPP, on•kange kamko ka•enga ineba Sangma parakataha.
Salgro salaram a•dokrangna nangrime kamko ka•na miksonganirang chu•sokgipa ong•na man•na gita ia election-o NPP-ko seokchina gitaba ua Manipur a•dokni manderangko didiangaha.
Salgro salaram a•dokrangna nangrime kamko ka•na miksonganirang chu•sokgipa ong•na man•na gita ia election-o NPP-ko seokchina gitaba ua Manipur a•dokni manderangko didiangaha.
“Chinga Manipur-na, salgro salaramna aro ia jol gimiknan nikjumangani gnang aro chingni ia jumangko chu•sokgipa ong•atna gita chinga na•simangni bakrimaniko nangenga,” ine ua aganaha.
Ia election-ara salgro salaram a•dokrangna NPP-ni miksonganirangko chu•sokatna gita Manipur a•doko songdongenggipa manderangni bakrimaniko bi•na namgipa chol ong•enga ineba Sangma aganaha.
Manipur a•dokni manderang dingtanganiko nangnikenga aro Manipur a•doko bangbang ong•aniko gapatna gita NPP-an nambatgipa chol ong•enga ineba NPP-ni national president parakataha.
“Manipur-ni manderang dingtang cholko sandienga aro manderang NPP-kon dal•batsranggipa dolsan ong•aniko nangnikenga. Chinga bebera•a manderang NPP-ko seokchongmotgen,” ine ua aganaha.
