Guwahati, Nov 26: Manipur ni Senapati-o songdonggipa bilsi 33 ong•gipa me•chik Chokhone pulrangko ran•ate jakchi tarigipa brand Dianthe-ko bikote jolo songdonggipa songrangni me•chikrang aro chonchongipa game cha•giparangna janggi tangani gadangrangko namdapatna dakchakenga. Uni ia karkanako a•bachengatanichi India-ni Salgro Salaram-an a•song gimiko bading-chiwalani cholrangko a•bachengatna nambatgipa biaprangoni damsa ong•a ine mesoka.
Ua 2021 bilsio an•tangni gisik nanganichi a•bachengbaenba re•anggipa bilsio lak 15 tangkarangko man•aha. Dianthe-ni bostu chu•gimikan samtangtang aro joltangrang-o man·gipa pulrang ong·a.
“Anga an•tang namnikani gimin angni bi•samitingonin pulrangko ge•a. Chinga ia tarie roanirangko janggi tangani chol dake 2021 bilsio a•bachengaha. Songrango donggipa bang•a me•chikrang aro chonchongipa game cha•giparang ia pulrangko ge•na aro tarina dakchaka. Uamangni kam ka•anichisa Dianthe chu•sokgipa ong•na man•aha,” ine Chokhone Hub News-na parakataha.
India-ni dingtang dingtang biaprango ong•atgipa exhibition-rango bak ra•anichi, unbaksana social media aro online pala-sim•anirangchi, Dianthe-oniko breronggipa manderang bang•en dongaha. Mongsongbate, Assam a•dokni manderang pulrangko bang•en breronge dakchakronga ine Chokhone aganaha.
Indiba, Manipur-o pangkamgipa janggi tangani cholko bikote uko dal•roroatani altua ong•ja. Courier-ni ja•manchakani, salruraani garirangko man•na neng•ani, agansona man•gija mikka-balwa rakani, aro a•doko so•sojengjeng ong•anirangchi una bang•a neng•nikanirangko on•aha. Ia pilak obostarang ong•genchimoba, Chokhone an•tangni a•bachengatgimin kamko dal•roroatna cholko sandiaha.
“Chingni songrango bang•a ong•telaigipa gam-jinrangko jakkalkuja aro ia biapni karirang dingtang dingtang pulrang, biterang aro me•surangko ge•na nambea. Maiba neng•nikani donggenchimode, uko namatani cholba donga. Dal•rorona ka•dongani pangnan donga,” ine ua talataha.
Manderang uni pulrangko nangnikanirang batroroengani gimin, Chokhone, Dianthe-o bang•bata game cha•giparang baksa bakrimani aro a•songni a•palchi bading-chiwalanirangko dakani cholrangko sandienga. “Chinga chingni a•dokni bosturangko manderangna u•iatna skenga. Chinga chingni pulrangko a•gilsakni dingtang dingtang biaprangona sokatna skenga,” ine Chokhone agandapaha.
Dianthe-ni dal•roroaniara janggi tangani cholko bikote chu•sokaniko man•anisan ong•aija indiba Chokhone-ni changa-sapaniko jakale, manderang baksa ku•mongrime, chakchikani aro niksamsoanichi Salgro Salaram-o me•chikrangna bil gnanganikoba ra•baaha.
Na·simang iakoba nina man·gen:
Na·simang iakoba poraina man·gen: GAD-ni a•ao songdongenggiparangna a•ako para dake on•skana sorkari tik ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
