Imphal, Jun 11: Bristibar salo, silchidare kegipa dolsa manderang, Manipur a·dokni Kamjong a·jao donggipa song damsako chadrapeaha aro songni mande sakgniko so·ote galangan baksana gipin sakgni manderangko saknaate donangaha.
Ia manderangni chadrapanio so·ota man·gipa mande sakgniara, Kultuh songni bilsi 35 ong·gipa Letminlun Haokip aro bilsi 23 ong·gipa Lunminthang Haokip ong·achim. Saknaa man·gipa manderangara, bilsi 28 ong·gipa Jangkhomang aro bilsi 27 ong·gipa Kamminlal ong·skaa aro uamangko ta·raken sanna gita hospital-ona ra·angaha.
Police-rangni u·iatani gitade, Bristibar pringni 4:30 bajimango, silchidare ra·bitgipa dolsa manderang, ia songona re·angenba, songni manderangko skatang gona a·bachengaha aro ia manderangni goanio, sakgni so·otako man·e, gipin sakgni saknaanirangko man·na nangaha.
Budbar salosan, jasamangna skang rim·srukanga man·gipa sakdok Naga manderangni manggisirangko, Manipur Police, CRPF aro Assam Rifles-ni sipairang man·aha aro ia manggisirangko man·ani ja·man Bristibar pringo, dolsa manderang, Kamjong a·jani Kultuh songona re·ange, songni manderangko chadrapeskaaha.
Na·simang iakoba nina man·gen:
Na·simang iakoba poraina man·gen: James Sangma-ko M’laya-ni Rajya Sabha MP-na seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
