Shillong, Jun 14: Meghalaya Board of School Education (MBOSE)-ni Secondary School Leaving Certificate (SSLC) aro Higher School Education Leaving Certificate (HSSLC) porikkao, nambatgipa biaprangko man·e chu·sokanggipa sak 86 chatro chatrirangna Sonibar salo, University of Science & Technology Meghalaya (USTM), Shillong songjinmani State Convention Centre-o mande ra·pilskaani program-ko ong·atangaha aro chatro chatrirangna mande ra·pilskaani chin gita certificate, memento baksana gong lak 5 tangkarangko boksis dake on·angaha.
Ia program-ko ong·atanio, Meghalaya High Court-ni Chief Justice, Justice Revati Mohite Dere, a·dokni gitcham Education Minister aro Padma Shri Award-ko man·gipa Manas Chaudhuri, Nongpoh MLA Mayralborn Syiem, Meghalaya Lokayukta-ni Chairman CP Marak aro gipin dal·dalgipa manderangba bak ra·angtokaha.
Ia tom·anio, USTM-ni Chancellor Mahbubul Hoque, program-ko ong·atani bidingo talate on·angengon, poraianirango gisiko nanggipa chatro chatrirangna ia university, scholarship-rangko on·e dakchake on·enga ine parakangaha. Je chatro chatrirangan MBOSE porikkao topper-rang ong·e pass ka·ahachim, uamangna ia university, bilsibrini Bachelor of Arts in Administration and Governance (BAAG)-ko dakna indin admission-ko on·gen ineba Hoque aganaha.
Ia program-ko ong·atanio, Meghalaya High Court-ni Chief Justice-ba tom·anio bak ra·giparangna aganprakangengon, SSLC aro HSSLC porikkao nambatgipa biaprangko man·e chu·sokanggipa chatro chatrirangna an·tangni namgipa skaniko on·angenba, an·tangtangni miksonganirangko chu·sokgipa ong·atna gita pangnan kakket ong·e kam ka·china chatro chatrirangko ku·pattiangaha.
Ia tom·anio a·dokni gitcham Education Minister Manas Chaudhuri-ba chatro chatrirangna aganprakengon, gipinrangna skang dakna skani, namgipa bewal aro miksonganirang dongna nangchongmotani gimin janapangaha.
Ge·etanirangna sengchae donggija, aganna skangan an·tangtangni daitorangko ma·sie kamtangtangko a·bachengchina gitaba Chaudhuri, gure mangbrini golpoko tojole, chatro chatrirangna agan-ku·pattianiko on·angaha.
Na·simang iakoba nina man·gen:
Na·simang iakoba poraina man·gen: WGHBA, skanggipa changna Garo Hills Veterans Badminton Championship-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
