Shillong, June 13: Adita salrangna skang, Sohra-o ong·gipa obostako ra·e bang·a media dolrang aro manderang a·dokni gimin ong·gija bewalo agananirangko nikna man·aha. A·dokko ong·gija bodnam ka·a ine Meghalaya Sorkari uamangni kosako case ka·na am·aha indiba da·o jinmani mikkango uamangni a·doko kema bi·anirangko dakahani gimin caserangko ka·jawaha ine sorkari parakataha.
Sorkarini nangnika gita a·dokko matnanggipa dolrang manderangni mikkango a·doko kema bi·ahani gimin iano bidingo niamni gita re·na nangani dongjaha ine Cabinet Minister aro MDAni palo agantimgipa Paul Lyngdoh aganaha. “Meghalayani manderang ka·namgijagipa ong·a ine aro uandake adita ong·gija kattarangko agananirangko nikani gimin chinga a·doko kema bi·aniko nangnikaha,” ine Lyngdoh aganaha.
Uandake, salgipinon, bang·a media dolrang jekai Times of India, Republic TV aro adita manderang a·doko kema bi·ahani gimin dabianiko nangnika gitan chu·sokataha ine ua agandapaha.
Niamni gita ja·ku de·gen ine agansogipa kattani gimin sing·on, Lyngdoh sorkarini nangnikaniko talataha, “Chinga FIR-rangko ka·aha aro uani ja·mano kema bi·jagenchimode, chinga a·dokko bodnam ka·a ine defamation suitrangko ka·gen ine talen aganaha. Da·o uamang kattatangtangko ra·pilaha, aro sianggipa mandeni nokdangni manderangba sorkario aro Meghalayani manderango kema bi·aha – uni gimin ia obosta ianon bon·aha.”
Na·simang ia video-koba nina man·gen:
Na·simang iakoba poraina man·gen: ILP-na dabie CoMSO jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
