Shillong, Jun 13: Meghalaya a•doko Inner Line Permit (ILP)-ko ra•gate on•ningjaengani gimin Sukrobar salo, Confederation of Meghalaya Social Organisations (CoMSO)-ni membor-rang, Secretariat mikkango jingjengatangaha.
CoMSO-ni parakatani gitade, ILP-ara adita salrangna skang, Indore-ni tourist Raja Raghuvanshi-ko Sohra-o so•otanikoba champengna man•genchim.
Bangladesh aro Myanmar a•songrangoni niam gri napsrukbae songdong a•chaenggipa manderangko sandie rim•na man•na gita special investigation team (SIT)-ko songchina gitaba CoMSO dabiangaha.
Ia jingjengataniko ong•atani bidingo CoMSO-ni chairman aro Hynniewtrep Youth Council (HYC)-ni president Roykupar Synrem, kobor ra•timgiparangna talate on•angengon, 2019 bilsio ILP-na Meghalaya Assembly-ni resolution ra•aniko Home Affairs Ministry ra•chakama jegalama da•alonan sorkari talataniko on•kujaenga ine parakataha.
Meghalaya a•doko ILP-ko donggenchimode, a•dokona re•baenggipa pilak tourist-rangan bimingrangko segatna nangtelani gimin adita salrangna skang Sohra-o Raja Raghuvanshi-ko so•ote galgipa manderangba uko so•otna skang name chanchichenggenchim ineba Synrem aganaha.
Raja-ni jikgipa Sonam-ko sandianio a•dok sorkari, bang•en tangka paisarangko koros ka•na nangaha aro somoirangko bon•atna nangaha ine janapatengon, ILP donggenchimode a•dokona re•baenggipa aro re•ongkatangenggipa pilakkon ma•sina man•aiani gimin Raja-ko so•otani ja•man Sonam-ni Indore-ona re•angpilakoba ma•siaigenchim ine CoMSO-ni chairman aganaha.
“Iarangni giminsa Meghalaya a•dokona ILP-ko nangchongmotenga,” ine ua aganaha.
Pahalgam-o bobil dake chakatgipa manderangni dosgri manderangko chadrapani ja•man, Bangladesh aro gipin biaprangoni re•bae a•songo niam gri songdongenggipa manderangko sandie biaptangtangona watpilatna gita pilak a•dokrangkon a•ja ge•antion special investigation team (SIT)-rangko songchina ma•mong sorkarini ge•etgipani bidingo janapatskaengon, Meghalaya a•dokode da•onan iandakgipa ja•ku de•anirangko nikna man•kujaenga ine CoMSO parakatenba, a•doko SIT-rangko songna gita a•dok sorkariko ge•etatchina ma•mong sorkariko didiataha.
Na·simang ia video-koba nina man·gen:
Na·simang iakoba poraina man·gen: ILP-ko man•kujaengani gimin MRSSA-ko mangrakbatatskana sorkari ku•rachaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
