Shillong, May 31: Meghalaya a·dok, Bamboo Design Residency Programme-ko a·bachengatna sienga jean wa·aoniko tarigipa artisan-rang aro dake rike cha·giparang baksa kamko ka·na India gimikni architect-rang, engineer-rang aro designer-rangko rimbana dakchakgen. Ia ja·ku de·aniko dakna salgnina ong·atgipa workshop-o tik ka·angaha jeon Meghalaya State Bamboo Mission (MSBM), PRIME Meghalaya, MegLife aro SELCO Foundation-ni dilgiparang dongpae bak ra·angpaaha.
Ia program-ko ong·atani miksonganiara, skang chasongo wa·aoniko bostu tarianiko chasong gitalni tariani bewal aro pangkamgipa gital chanchibewalanirang baksa brinatanian ong·a. Ia workshop-ko ong·atmiting somoio bakko ra·giparang, Roka Cane & Bamboo Works, PHIBA Bamboo Resort aro Maiong Nursery-ko man·chape, Ri-Bhoi a·jao donggipa wa·aoniko tarigipa enterprise-rangona re·ange nianiko dakangaha. Ia re·ange nianiko, International Bamboo Expert Sanjeev Karpe aro MSBM-ni Mission Director Sachin Gavade, IFS-ba dongpae niangaha.
Ia workshop-ko ong·atanio, Meghalaya a·doko wa·a baksa bak nanggipa project-rangko man·chape, residency program ba dongkame skie ra·ani aro kam ka·arangni bidingoba chanchirimaniko dakangaha. Ia program-ko ong·atani mongsonggipa miksonganiko Project Lead Minha u·iate on·angaha. Ia ja·ku de·aniko dakanichi Meghalaya a·doko wa·aoniko tarigipa bosturangko namdapatna dakchakgen ine official-rang u·iatengon, ian jolo bading chiwale cha·giparangna dakchakaniko on·an baksana wa·aoniko bostu tarianio gital chanchibewalani cholrangko nakatate on·a dakchakgen ineba agandapangkuaha.
MSBM-ni Assistant General Manager Nangteibor Shanong, ia program Meghalaya a·dokko chasong gitalni bewalo wa·aoniko tarigipa mongsonggipa dilgipa ong·atna dakchakgen ine ka·dongani kattarangko agane ia workshop-ko matchotataha.
Na·simang iakoba nina man·gen:
Na·simang iakoba poraina man·gen: Dr Friday Lyngdoh Road-ko Dy CM oprake on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
