Shillong, July 3: Meghalaya a·dok Pradhan Mantri Jan Dhan Yojana (PMJDY) bank account donggiparang lakh 10 gapna siengaha aro bilsi 2025-26 bilsirango gong kror 32.76 digital transaction-rangko segatrikaha ine July jani 2 tariko financial inclusion-ni bidingo PIB Shillong Varta-ko ong·atmiting somoio parakataha.
State Bank of India (SBI)-ni u·iatani gitade, 2026 bilsini March 31 tariko Meghalaya a·doko lakh 9.99 PMJDY account-rang donga aro uarangoniko SBI lakh 3.55 account-rangko nirokenga. Iana agreba, a·doko PMJJBY-ni ning·o lakh 5.08 namgniko man·giparang, PMSBY-ni ning·o lakh 9.36 aro Atal Pension Yojana (APY)-ni ning·o lakh 1.02 namgniko man·giparang gnang.
RBI Shillong-ni Officer In-Charge Olden Nongpluh, JAM Trinity, Direct Benefit Transfer (DBT) aro nambata digital system-rangko ra·baanichi bank-o account kuliani aro tangka paisarangko chipatani ba gipinni account-rangona tangka watanirang battanggimin bilsi 12 gisepo namen nambataha aro altubataha ineba ua aganangaha.
Meghalaya a·doko account donggiparangoni 98%-de komibewaloba ge·sa digital payment method ba online tangka gamani kolkode jakkala ineba ua janapataha.
SBI-ni Deputy General Manager Ejaz Ahmad, 2025-26 bilsio Meghalaya a·doko kror 32.76 digital transaction ka·aniko segatrikaniara, bang·bata manderangni digital banking jakkalaniko mesoka ine ua u·iatangaha. Official-rang, tangka paisarangko name jakkalani bidingo manderangna skie on·a aro online cha·bokaniko champengataniko mangrakbatatan baksana digital banking-ni namgnirangko songadamo donggipa manderangona sokatna dakchakaniko on·a gita jolo agangipa ku·tangko jakkalna nangchongmotani gimin aganangaha.
Na·simang iakoba nina man·gen:
Na·simang iakoba poraina man·gen: A•chik actor Raj Sangma-na Most Popular Action Hero Award-ko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
