Shillong, Mar 25: Scheduled Castes and Scheduled Tribes-na (SC/ST) Assembly-ni Committee Pahamsyiem, Nongpoh-o donggipa Eklavya Model Residential School-ona (EMRS) re·ange uko rikanirangko aro chalaina baditana kingking namaha, uarangko nirok-sandieaha.
Ia nirok-sandianiko Committee-ni Chairman aro Nongstoin-ni MLA Gabriel Wahlang dakdilangaha ro unbaksa Committee-ni Membor Dr Mazel Ampareen Lyngdoh aro Nongpoh-ni MLA Mayralborn Syiem-ba dongpaaha.
Ia nirokeaniko dakanio, school-ko namedake chalaina aro mikkangchi schoolko rakkiangkuna man·a gita namatna nangenggipa neng·nikanirangko aro chu·onggijanirangko school-ni authority-rang parakataha. Uamang mongsongbate me·chikrangni hostel-ko janape on·aha, jeon bang·a nangchongmotgipa cholrangko man·kujaenga.
“Chingni nirok-sandina re·anganio chingni nikbaanirangko sechimongenba report-ko tarie a·dok sorkarina on·atgen jedakode pilak nanganirangko chu·sokatna man·gen. Ia neng·nikanirangko seng·gnang sandie aro namate on·aniara dakna nangchongmotgipa ong·a jedakode Meghalaya-o a·bachengatnasienggipa pilak EMRS institution-rang nanggipa gadangni kri namgipa bidako on·na man·gen,” ine Wahlang aganangaha.
Uandake Pahamsyiem-o nirok-sandie man·giparangko jakkale a·doko apsandakgipa residential school-rangko namdapatna aro bilakdapatna man·gen ineba ua aganangaha. “Pahamsyiem EMRS-an ia scheme-ni ning·o chu·gimik kam ka·enggipa skanggipa skie ra·chakram biap ong·a, aro chinga uno chu·sokanirangko a·dokni gipin biaprangoba apsandake ja·rikna chanchienga,” ine Wahlang agandapangaha.
Eklabya Model Residential School-rangara (EMRS) Ministry of Tribal Affairs, India sorkari-ni a·bachengatgipa ong·a, aro iako Scheduled Tribe (ST) chatro-chatrirangna, mongsongbate diltugipa biaprango aro kangal-cholgri bang·gipa biaprango songdonggiparangna namgipa bewalo middle aro secondary gadango skie ra·anirangko namdapatna miksongenga.
Meghalaya-o, Pahamsyiem EMRS-an ia scheme-ni ning·ao skanggipa chu·gimik chalaienggipa skie ra·chakram biap ong·a aro uko December 2025 dipetoni a·bachengataha.
Gnigipa EMRS East Garo Hills a·jani Samanda-o ong·a aro uko 2026-ni a·bachengaoni chalaienga.
Tribal-rangna skie on·anirangko dakanio apalbatatna ine a·dok sorkari namedake chanchisamsoanirangko dakaha, aro 2025 bilsio Meghalaya-o dam 38 EMRS institution-rangko tikataha.
Kror 1,400 tangkarangko chamme, ia cholni ning·o pilak seokako man·gipa, tribal bang·gipa block-rangon EMRS damsako a·bachengatna miksonge, skie-poraie ra·anirango neng·nikanirangko namatna aro namgipa residential school-rangko ong·atna miksongenga.
Na·simang iakoba nina man·gen:
Na·simang iakoba poraina man·gen: Skanggipa Shillong Int’l Film Festival-ko CM do•ga oe on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
