Shillong, Jymmang 26 : Ka Hynniewtrep Youth Council (HYC) kala aiti ia ka ujor sha ka Director General of Police (DGP) ka Jylla bad sha ka Board of Control for Cricket in India (BCCI) ba dawa ban tuklar halor ka jingkynnoh shah leh kynshlein ki thei ialehkai cricket ka Jylla ha u Coach bad Manager bad ka bynta bala leh da ki nongkitkam ka Meghalaya Cricket Association.
Ha ka kyrwoh ba pynlait ha ka sngi Ba-ar, ka HYC kala ong ba kane ka kam kala wan hapoh ka jingpeit jong ka State Women Commission, hynrei “ka jingkhia jong ki jingkynnoh ka dawa ia ka jingleh eiei ba kyrkieh, kaba hok bad ka laitluid na baroh ki bor pyntreikam ia ka ain bad ka bor pyniaid ia ka Cricket”.
Ha ka ujor sha ka DGP, ka Council kala dawa “ia ka jingtohkit ba mardor, ban reigister ia ka FIR, ai jingiada ia ki nongujor bad ki nongsakhia, bad ban leh eiei kat kum ka ain ia ki briew kiba donkti”.
Ha ka ujor sha ka BCCI, ka HYC kala kyntu ba “kan pynlong ia ka jingtohkit ba laitluid, shong bishar ia ka jingkitkhlieh jong ki nongkitkam ka MCA, pynthikna ban ai jingiada ia ki thei ialehkai ba shah ktah, bad ban pynkhlain ia ki ad pynbeit ïa ki jingeh hapoh ka jylli ïalehkai cricket.”
Ka HYC kala dawa ia ki bor khmih ba kin leh eiei noh mardor, kaba shai bad ka bym shah liang ban pynksan ia ka hok bad iada ia ka burom jong ka kynhun ialehkai.
Pule ruh : Kem ki Pulit ia u nong Rajasthan ba shukor briew bad kam Heh Pulit IPS ka Jylla
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
