39 C
Tura
spot_img

Mumbai songjinmao sanramko wa•al kamanio sakchikking bi•sarang sia

Must read

Mumbai, Jan 9: Maharastra a•doko attam 2 bajimango hospitalko wa•al kamani a•selo komibeaoba sak 10 atchidaldal bi•sarang janggi galaha ine koborko man•soaha. A•songni Prime Minister Pa Modi ia a•sel ong•anina duk ong•aniko parakan baksa ian ‘Ka•a be•atbeani’ ine aganaha.

Koboro man•soani gita Maharastrani Bandara District-o donggipa gadangbrigipa gadangni hospitalo atchidaldal bi•sa sak 17-ko Special Newborn Care Unit (SNCU)-o donengachim. Tanggitik wa•al jokanio sak 7-kode jokatna man•ahaoba bangki sak 10-kode man•srapjaha.

“Maharastrani Bandara-o a•sel ong•anichi gamchatbegipa dambe janggirangko gimaatna nangaha aro ian ka•a be•ani ong•chongmota. Duk mikchi ong•enggipa nokdang baksa anga bak rengsiko ra•paa. Saknaako man•giparang tarake nampilchina angni skaniko on•atjola” ine Pa Modi uni Tweeter-o seataha.

Ua somoi tiktako kamo ong•enggipa Nurse wal•kubachengako nike mikrakataniko on•genchimoba jaksrapjaha. Sianggiparangoni mitam jagittam aro mitamde adita salrangsan ong•kuaiengachim ine kobor-na ui•ataha.

spot_img

More articles

spot_img
-->

Latest article