Guwahati, Jan 9: January 9 tariko AASU-ni manderang Citizenship Amendment Act(CAA)-ko namnikgijani chinko mesokna Assam a•dokni Finance Minister Pa Himanta Biswa Sarma-ni Golaghat-ona re•baon ba•ra gisimko ra•e jegalsoaniko dakaha.

Pa Sarma-ni Golaghat jila-o bike-rango rejomaniko ong•atengon AASU-ni manderang uamangni office mikkango ba•ra gisimko mesoke jegalaniko dakskaha ine koborna ui•ataha.

AASU-ni manderang ba•ra gisimko nisan songdoe jegalan baksa , BJP Go Back, Himanta Biswa Sarma Murdabad, CAA aami Namanu, Jai Aai Asom’ ine jinma jinma a•bokaniko daktokaha.

Chelchakgipa dolrangni simsakbee kam ka•anichi jegalgiparangko maming a•sel gri jripatpilna man•aha.

Pa Sarma ua somoio adita congress dilgiparangni BJP dolona napaniko rimchaksona ong•atgipa programme-onasa Golaghat-ona re•angengachim