Tura, Aug 1: Gital National Education Policy (NEP) 2020-ko ia 2023-24 Academic Session-onin ra•gatchina gita North Eastern Hill University (NEHU)-ni ning•o donggipa college-rangna ge•etaniko on•manahaon, gital Academic Session-ko da•o August jaonin a•bachengengahani gimin ia gital NEP-ko ra•gatanio bang•a neng•nikanirangko chagrongna nanggen ine Tura Government College-ni Principal Terence D Marak-ba suk ong•gijaniko parakataha.
Marak-ni parakatani gitade, ia gital NEP-o skill enhancement course, value added course aro uandakgipa dingtang dingtang course-rang dongani gimin ian chatro chatrirangnade mikkangchina namen namgni ong•engachim indiba ia NEP-ko ra•gatna gita jasamangmang somoiko on•e, July jaosa u•iataniko on•ahani gimin ian iandakgipa course-rangna skigiparangko tarisona gita somoirang dongjae, pilak college-rangnan namen neng•nikani ong•engahachim.
Gital course-rangko ra•na gita college-rango skigiparangna training-rangko on•chengna nangachim ine janapatengon, ia gital NEP-ko August jao ra•gatchina NEHU aganaha indiba jasaskangmangmang July jaosa college-rangna u•iataniko on•aha ine Tura Govt College-ni Principal suk ong•gijaniko parakatenba, ia jasani gisepo maikai skigiparang bano training ra•e chatro chatrirangna skie on•na man•gen ine sing•doataha.
Ia gital NEP-o dingtang dingtang computer course-rangba donga ine janapatskaengon, iana college-rango chu•onga gita computer laboratory-rangkoba nanggen indiba da•o dipet Tura Govt College-o indita hajalni hajal chatro chatrirangna classroom-mangmangba chu•ongjaenga ine Marak parakataha.
Jasani gisepode ia nanganirangko chu•sokatna man•jawa ine nikenba, ia gital NEP-ko 2024-25 academic session-oni ra•gatskachina dingtang dingtang college-rang mol•molahachim indiba uamangni mol•molaniko NEHU knachakjaha ineba Marak suk ong•gijaniko parakataha.
Iakoba poraie nina man·gen: Su·busik saako ong·atgipa bacteria-ko gong·rakbate ma·sina man·ani bostuko IIT, Guwahati-o taria
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
