Shillong, Aug 1: North Eastern Hill University (NEHU)-o gital National Education Policy (NEP) 2020-ko ra•gatanina skigiparang aro dingtang dingtang dolrang jegaltokengon, re•baenggipa August-ni 10 ba 11 tariko State Higher Education Council Committee-ni tom•aniko ong•atenga aro ia committee-o NEHU-ni Vice Chancellor-an vice chairman ong•engani gimin NEP 2020-ko ra•gatani bidingo chanchirimangtaigen ine Mongolbar salo, Meghalaya a•dokni Education Minister Rakkam A Sangma parakataha.
Iako Mongolbar salo, a•dokni Education Minister, Hynniewtrep Youth Council (HYC) membor-rangni uko grongeani somoio parakataha.
NEP 2020-ko ia bilsionin ra•gatna NEHU tik ka•ahani gimin HYC-ni dilgiparang, iani bidingo suk ong•gijaniko parakna gita a•dokni Education Minister-ko grongeahachim.
Education Minister-ko grongena skangba HYC-ni dilgiparang, NEHU-ni Vice Chancellor-ko gronge iani bidingo agangrikangahachim.
Iani bidingo kobor ra•timgiparangna talate on•angengon, NEHU-ni ning•o donggipa mitam college-rang ia gital NEP-ko ra•gatna taritokahaoba mitamrangde dingtang dingtang neng•nikanirangko chagrongna nangkuengani a•sel ia gital NEP-ko ra•gatna tarikuja ine paraktokengani gimin ian a•dokni gisepo jajaani ong•kuenga ine HYC-ni president Robertjune Kharjahrin parakataha.
Ia gital NEP-ara niamsa ong•ani gimin academic council-ni ra•chakaniko nangchenggen aro executive committee an•tangaride ia NEP-ko ra•gatna man•jawa ineba Kharjahrin parakataha.
NEP 2020-ko jegale college-o skigiparang jingjengattokengani gimin NEHU-ni VC, skigiparangko okame agangrikna nanga ineba HYC dabiangaha.
Iakoba poraie nina man·gen: Kangpokpi-ni relief camp-o dongenggipa nok-jam gri ong·gipa manderangna a·dokni minister Nemcha Kipgen, ba·ra-kancharangko suale on·anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
